ازاي تعمل أول فيديو موشن جرافيك

السلام عليكم ورحمة الله وبركاته

اهلا بيكم يا شباب وموضوع النهاردة عن إزاي تعمل أول فيديو موشن جرافيك ليك

يعني أنت ممكن تكون اتعلمت أساسيات الافترايفيكت وطبقت شوية حاجات كده وبتاع ولكن حابب إنك تبتدي تقدم على شغل وتشتغل بقى وربنا يكرمك

★ أي حد يتقدمله على شغل أو حابب تقدم على شغل هيقولك فين الشغل اللي أنت عملته قبل كده؟

★ فده اللي هنتكلم عليه النهاردة انك إزاي تعمل أول فيديو ليك أو إزاي عموما تعمل معرض أعمال عموما فيه أكتر من طريقة

هو أنا هقولكم أو نبدأ بأول طريقة أنا عملتها

💥( أول حاجة)

أول فيديو عملته كان سئ كنت زيكم كده أو في نفس الناس اللي بتمر بالموضوع ده إنك عرفت حاجات كده أساسيات في الاستريتور في الافترايفيكت وطبقت حاجات. يعني أشوف الدرس مثلاً أو تشوف الفيديو أو التتوريالز بتطبقه بالظبط

لكن تيجي فعليا إنك تعمل شغل فعلي عملي تلاقي نفسك مش عارف تعمل ايه!!!

فالمهم كان حصلي الكلام ده ,فأنا فكرت الفكرة إن أنا أشوف حد قريب مني أعمل فكرة و أشوف الفكرة وأعملها سكريبت وأعملها تعليق صوتي وأجمع رسومات وأعمل التحريك.

كل ده بالفعل اللي حصل معايا كان خالي عنده روضة أو حضانة فكتبت الاسكريبت وبدأت أجمع رسومات من موقع فري بيك وحاولت بقدر الإمكان أظبطهم ورا بعض كده أنسقهم ومكنتش أعرف موضوع إنك تفتح أكتر من آرت بورد في ملف الاستريتور كنت بعمل كل مشهد لوحده فكان الموضوع معاناة

ثم بعد كده رحت بدأت أعمل التحرير و يعني حاولت أطلع فيه كل حاجة اتعلمتها في الدروس في الفيديو ده.

كان بالنسبالي وضع صعب جداً إنك عمال بتشتغل في composition ورا بعض وفيديو كبير الموضوع بيكون صعب في الأول لكن مع الوقت تلاقي الدنيا سهلة جداً يعني.

لأنك مستحيل تتقن البرنامج غير لما تتعلمه كويس وتشتغل فيه وتخرب وتبوظ وترجع تاني وهكذا لكن تفضل خايف كده وبتاع مش هتتطور

فده اللي حصل بالفعل بعد ما كملت الفيديو طبعاً واديته لخالي و ببلاش طبعا ونشره في الصفحة بتاعة الحضانة اللي معليهاش غير تلات تنفار باين 😂.

المهم ورحت نشرته في أحد الجروبات بتاعة التصميم واسيبلكم رابط جروبات تصميم بتاع سوني ديزاينر طبعا 👇 https://m.facebook.com/groups/1195125358102210/ فنشرته وبالفعل جالي أول شغل بعده مباشرة

كلمني حد وقالي أنا عايزك تعملي فيديو طبعا عملت الفيديو ساعتها بسعر زهيد ولكن أنا من عادتي دايما إن عشان أبدأ لازم أتدرب حتى لو أشتغل في الأول ببلاش.

✓ وأرجو الناس ما تزعلش من الموضوع ده لكن في الأول لازم تضحي شوية تضحيات المهم دي كانت الطريقة الأولى إنك إزاي تعمل أول فيديو ليك

✓ إنك تكتب سكريبت أو سيناريو أي كلام حوالي خمس جمل مثلاً ما تكترش , وتكون جمل تقدر تنفذها أو تحولها لموشن جرافيك

✓ يعني ما تكتبش في الصحراء البعيدة الغربية الشرقية حاجة ما تعرفش تنفذها كمشهد لكن تكتب معلومات واضحة ومباشرة بس تقدر تنفذها في مشهد

لأن أنت بتعمل حاجة تدريب وهمي فأنت بتسهل على نفسك الدنيا

المهم كتبنا الاسكريبت ثم عملت التعليق الصوتي بصوتي البشع الحالي ده, ثم بعد كده عملت جمعت رسومات والتحريك وانشره مايهمكش يعني اعمل الفيديو وانشره

هتلاقي ناس تنتقد التعليق عادي مش مشكلة لأن أنت مش تخصصك هتلاقي الناس تنتقد الاسكريبت نفسه عادي😂 برضو

لكن الرسومات تحريك حتى لو ناس انتقدتك فده أول فيديو ليك يعني واحدة واحدة الأمور بتتطور دي كده النقطة الأولى

طيب دي كانت الفكرة الأولى أو الطريقة الأولى اللي تعمل بيها فيديو وانك تعتمد بنفسك على كل حاجة

💥 ( الحاجة التانية ) •

إنك تشوف حد يكون لسه مبتدئ زي حالاتك كده وبيحب يكتب سكريبت اعملوا مع بعض زي تيم كده وتقوله أنت هتكتب سكريبت تشوف حد تاني بيعلق أو عنده الموهبة بس لسه برضو إمكانياته على قده خليك استغلالي يعني.

• فشوفوا واعملوا فريق مع بعض وأنت جمع الرسومات وظبط واعمل أول فيديو ليك وانشره

هيجيلك بعده شغل ناس كتيرة عملت الطريقة دي وظبطت معاها لأن أنت لو فضلت تستنى إنك تعمل أول فيديو ليك هتفضل كتير

لا يعني لازم أنت اللي تسعى ورا الموضوع 🏃 الموضوع ده كنت بعمله تقريباً في كل حاجة يعني من خمس سنين أول ما بدأت

أنا أولا دخلت في الجرافيك الموشن أنا دخلته من تلت سنين.

في الجرافيك كنت اتعلم فوتوشوب مع نفسي كنت شغال في شركة تانية نتكلم عن الموضوع ده بعدين

فقلت استغل الفوتوشوب ده فروحت جبت أفكار من دماغي بقى كارت شخصي لأي حد من دماغي كده

لوحة حتى فاكر عملت لوحة مطعم البركة, المهم عملت أكتر من حاجة ورحت عرضتهم على شركة دعاية كانت أيام ما كنت في فترة السعودية الراجل قالي كويس وبتاع حتى عرض عليا شغل ساعتها.

فكان دايما بعمل الموضوع ده إنك عايز تتدرب تشوف حاجة وهمية تعملها مش شرط تعمل شيء يعني رسمي هتستنى شئ رسمي فهتستنى كتير فدي الفكرة التانية

حتى برضه لما جيت أتعلم السوشيال ميديا مكنش فيه شغل فعلي جالي لحد ما قعدت أعمل حتى عملت تصميم كده بحب النضارات وكده, فعملت تصميم لقيد مستشفى حاجة وهمية يعني كده اسمه طلع نضارتك من حياتك يعني اخترت الجملة ,وعملت واحد بيزق النضارة كده ويطلعها من حياته ومش عارف ايه فباختصار الموضوع كله إنك لازم أنت تجازف ولازم أنت اللي تجتهد وتسعى للموضوع ما تستناش الموضوع

واحد عميل يقولك أنا هاديك فلوس واعملي الفيديو ده طب على أي اساس ما احنا لازم نشوف عندك شغل.

💥 ( الفكرة التالتة )

أو الطريقة التالتة في عمل أول فيديو موشن ليك إن أنت تشوف حد 👈 مش شرط أنت تعمل سكريبت ولا تعمل التعليق تشوف فيديو يكون حد عمله مثلاً فيه ناس بتاخد الفيديوهات من عند قناة ياخدوا الصوت ويعملوا عليهم حاجات عادي مش مشكلة فأنت اعمل أنا بالنسبالي يعني عادي. ⚠️

فأنت اعمل كده ولكن حاول تستأذن صاحب الفيديو مثلا

شفت فيديو عجبك فقول أنا هقلد الفيديو ده أو أعمل زيه أو هاخد الصوت وأعمل حاجة مختلفة مثلا يعني. بس تستأذن صاحب الفيديو يعني اللي ناشر الفيديو على قناته أو المصمم بتستأذنه

وكذلك لما تخلصوا تنشروا ✨ ما تنساش برضه تذكر إن الفيديو ده أنا أخدت الصوت من قناة فلان الفلاني أو من المصمم الفلاني وعملت إعادة تصميم أذكر كده لأن هي عشان مابقاش منظرك وحش لما يقفشك تمام؟

فدي كانت الحاجات بتاعة النهاردة إزاي تعمل أول فيديو موشن جرافيك ليك واتمنى تكون يعني في استفادة من المقال ده 💁 السلام عليكم ورحمة الله وبركاته