احذر أن تفعل هذه الأشياء

✨ خمس حاجات ما بيعملهاش الناس المحترفين
💥 ( أول حاجة )
المحترفين في الموشن جرافيك لا يستخدموا سكريبت أو بلوجن أنيميشن كومبوزر
البلوجن معروف بيستخدموه أغلب المبتدئين اللي هو بيديك حركات جاهزة إنك تدوس كده بيديك حركة وبتاع
✓ دايما طالما أنت عايز تحترف في المجال ده ما تعتمدش على الشغل الجاهز وعلى الحركات الجاهزة دايما ابعد عن النقطة دي
✓ باختصار لأن التحريك اليدوي بيطلع بشكل احترافي جداً تقدر تتحكم في الكيفية بتاعته مع كل نمط
مثلا أنت عندك الفيديو بطيء شوية فعايز تعمل الحركة بطيئة
عندك الفيديو سريع عايز تعمل حركة سريعة يعني
• لكن دايما الحركة اللي هي حركات ثابتة تلاقيها مستهلكة ومستخدمة ومحترفين ما بيستخدموهاش
💥 ( الحاجة التانية )
• ما تستخدمش الانتقالات الجاهزة اللي هي الحاجات اللي تلاقيها محطوطة في الفيديو كده وألوانها وحركتها أصلا غير متناسقة
• دايما يفضل الشغل الاحترافي إن يكون فيه مورفينج يعني إنك تنتقل من شكل لشكل بكل سهولة بكل احترافية غير إنك تحط حاجة كده  جاهزة وتروح داخل على المشهد اللي بعده فدي تاني حاجة ما تستخدمش الانتقالات الجاهزة
💥 ( تالت حاجة )
✓ لا تستخدم صوت البوبي اللي شبه قطرة الماء الصوت ده صراحة يعني رهيب جداً وغير كده يعني برضه بالإضافة لموضوع الأصوات
✓ حاول لما بتحط المؤثرات الصوتية متخليهاش أعلى من صوت المعلق يعني خليها تبقى خفيفة كده خالص في الخلفية صوتها واطي يتسمع وما يغطيش على صوت المعلق
💥 ( رابع حاجة )
الناس المحترفين الجامدين ما يستعملوش الاليمنتس أو اللي أنا بسميها السبايسي اللي هي الحاجات اللي بتطلع دي والمفرقعات والحاجات دي ما بيستعملوهاش إلا القليل جداً
✓ فدايما حاول تقلل منها بقدر الإمكان.
💥 ( الحاجة الخامسة )
ما بيستخدموش شغل جاهز دايما ولكن حتى لو استخدموا رسومات يعني أقصد رسومات جاهزة بيعدلوا ألوانها
👈 يعني لو اضطروا إن هما يستخدموا رسومات جاهزة من فري بيك أو شتر ستوك أو كده بتلاقيه غير ألوانها
👈 بحيث أمشي الفيديو كله ب color theme واحد يعني بالتة ألوان واحدة لونين تلاتة بالكتير ده الفيديو كله لون واحد أو مية واحدة فغير إنك تستخدم بقى رسمة من هنا ورسمة من هنا وتلاقي الدنيا عندك خلطبيطة
فدولا كانوا خمس حاجات وفيه كتير يعني ممكن نتكلم عنهم مرة تانية إن شاء الله ولكن دول أهم خمس حاجات الموشن جرافر المحترفين ما بيستخدموهمش بس  تابعونا وانتظروا كل جديد 💁
والسلام عليكم ورحمة الله وبركاته