ازاي تبدأ في مجال الموشن جرافيك ؟

 

لو أنت شخص ميعرفش أي حاجة عن الموشن جرافيك أو ميعرفش أي حاجة عن التصميم في المقال ده إن شاء الله هنوضح الكلام ده.

المقال ده عبارة عن خمس نقاط هنتكلم أولا عن 👇

• ايه هو مجال الموشن جرافيك؟
• وايه البرامج اللي هحتاجها علشان أتعلم الموشن جرافيك ؟
• وايه اللي أتعلمه بالظبط عشان أبقى موشن جرافر ؟
• هل لازم أتعلم الرسم والتحريك ولا أتعلم واحدة منهم فقط؟
• هل مجال الموشن جرافيك مطلوب في السوق ولا لأ ؟

_ كل الحاجات دي إن شاء الله هنعرفها 🤓

ويلا بينا نبدأ 🔥

💥  (نبدأ بأول نقطة)

✓ ايه هو مجال الموشن جرافيك؟

هو مجال تبسيط الأشكال أو تحريك أشكال مبسطة بحيث ننتج أو نطلع فيديو مرئي اللي يشوفه يفهم المعلومة بكل بساطة يعني الرسومات بسيطة غير معقدة

 

اللي هو الرسم الفلات العادي المسطح اللي أنا بشتغله وبنشرحه في القناة عندنا

وبينقسم الى تو دي وثري دي 

2D - 3D

 والشيء المشترك ما بينهم إن الشغل مبسط غير معقد فده أبسط تعريف عن الموشن جرافيك

إنه تحريك الرسومات أو شغل مبسط متحرك بحيث اللي يشوفه يفهم الفكرة من الإعلان

 

💥( تاني نقطة )

✓ ايه البرامج اللي هستخدمها؟ أو ايه البرامج اللي هحتاجها علشان أتعلم الموشن جرافيك؟

أولا نبدأ بانك عايز تتعلم شغل التو دي فلات انيمشمين

2d flat animation

فمثلا بيكون معانا رسومات بنعملها تحريك

الرسومات دي في الغالب بنحتاج عشان نرسمها برنامج الاليستريتور او فيه ناس برضوا بترسم ببرنامج الفوتوشوب

adobe illustrator - adobe photoshop

 

وفي الحريك البرنامج الرئيسي اللي هنحتاجه برنامج الافترافكتس

adobe after effects

ده اللي هتعمل بيه التحريك لأن احنا لو اتكلمنا إن احنا هنكلم حد ما بيعرفش حاجة عن الموشن جرافيك يبقى نقول إن احنا نحتاج رسمة معينة الرسمة دي نرسمها ببرنامج ما

ممكن ترسمها ببرنامج اليسريتور أو برنامج فوتوشوب ودول الأشهر يعني في الغالب وأغلب برضو الناس بترسم بالالستريتور

 

ثانيا لو عايز تتعلم شغل الثري دي موشن

 

3d motion graphic

 

هتحتاج برضوا يكون عند دراية ببرنامج الاليسترتور وبرنامج الفوتوشوب 

 

لكن طبعا المهم انك تتعلم برنامج ثري دي 

 

زي برنامج سينما فوردي

 

cinema 4d

 

💥 ( تالت نقطة  )

✓ ايه اللي اتعلمه علشان أتعلم الموشن جرافيك؟

 طبعاً لازم تتعلم أساسيات تحريك على برنامج الافترافكتس

 

كورس مجاني لاساسيات الافترافكتس

 

<https://bit.ly/3hJojEb>

 

ولازم تتعلم حاجة اسمها قواعد الأنيميشن

قناة أجنبية شارحة قواعد الأنيميشن

 

 <https://youtube.com/playlist?list=PL-bOh8btec4CXd2ya1NmSKpi92U_l6ZJd>

 

وفي برضو قناة إسلام أمين أعتقد شارح قواعد الأنيميشن الاتناشر

<https://youtube.com/playlist?list=PLwVpLz8e90nqjWBnlkuiPwZxAMd6ejc1c>

 

دي الحاجات اللي تعلمك تعلم التحريك نفسه تتفرج كتير تشوف فيديوهات كتير موشن جرافيك عشان تشوف الدنيا بشكل عام وكذلك تتعلم الاليستريتور لو أنت هترسم وتحرك

 

كورس تعلم برنامج الاليسترتور من الصفر

 

<https://bit.ly/3jpFIT0>

 

💥 ( النقطة اللي بعد كده )

✓ اللي هي هل لازم أتعلم الرسم والتحريك مع بعض؟

 

ناس كتيرة بتكون داخلة المجال جديد وفاكرة إن هي لازم ترسم الرسم كله ولازم تحرك التحريك وهكذا

طيب مبدئيا اللي بيبدأ في مجال الموشن جرافيك وأنا في أغلب المقال هتكلم عن التو دي موشن جرافيك

 

أغلب اللي بيبدأ وأنا منهم بنجيب رسومات جاهزة من موقع فري بيك مثلاً 

 

<https://www.freepik.com/>

 

رسومات مرسومة جاهزة عشان منرسمش من جديد لأن احنا لسه مش عايزين نتعلم الرسم 🤓

👈 أغلب الناس اللي بتبدأ بتبدأ تتعلم الافتر ايفيكت وبعد كده تبدأ شوية في الاليستريتور عشان يعرف يجيب رسومات

 

👈 فأنت اسلك نفس المسار إنك ابدأ تعلم الافتر ايفيكت وابدأ اعرف شوية حاجات بسيطة كده عن الاليستريتور علشان تجيب رسومات تحمل رسومات وتفككها وتدخلها في الافترايفيكت و تتعلم عليها التحريك

 

ابدأ بهذه الطريقة لكن مش لازم إنك تتعلم البرنامجين مع بعض لأن في ناس متخصصة في الرسم وبترسم لناس متخصصة في التحريك هما بيحركوا فبيكونوا كتيم مع بعض مثلا

 

وفي ناس متخصصين في الاتنين بس طبعاً مش كتير واللي بيتخصص في الاتنين برضه بيشتت نفسه ما بيوصلش للتوب هنا أو هنا.

 

💥( ونيجي للنقطة الخامسة والأخيرة )

✓ اللي هي فيها الفلوس

 

 هل الموشن جرافيك أو مجال الموشن جرافيك ده مطلوب في السوق؟

 

بالطبع مطلوب وناس كتيرة جداً بدأت تتجه للكلام ده من أكتر من سنة طبعاً لكن الفترة الأخيرة ناس كتيرة بدأت تعرف ايه هو مجال الموشن جرافيك وعايزين يسوقوا بيه لتفسهم 

 

حتى هتلاقي الشركات زي فودافون واتصالات والشركات الكبيرة دي بتعمل  إعلانات أو شغل زي كده موشن جرافيك  مثلاً فهو في السوق مطلوب وحسب ما انت بتسعى وحسب مستواك وحسب ما بتوصل.

بالإضافة حسب ما تسوق لنفسك بيكون النتيجة إن شاء الله

 

★ فتلخيص المقال لو أنت عايز تبدأ وحابب الموضوع ده وعجبك الشغل ده بس مش عارف تبدأ ازاي توكل على الله وابدأ نزل برامج اللي قلنا عليها … وابدأ شوف توتوريالز او شروحات للبرامج دي وشوف قواعد الأنيميشن وابدأ واحدة واحدة وإن شاء الله الأمور تظبط

 

ولو حابب تتعلم كل الخطوات دي بشكل عملي بالفعل عملنا 👇👇👇

 

كورس الموشن جرافيك من الصفر للاحتراف

 

  💪 بنشرح فيه كل شيء عن الموشن جرافيك ومش بيحتاج منك خبرة سابقة باي شيء😍 

 

 رابط الاشتراك 👈https://bit.ly/3jt1QM7

 

تقدر تستخدم الكوبون ده أثناء الإشتراك 👈 soni15

شارك المقالة