الرسم للموشن جرافيك

السلام عليكم ورحمة الله وبركاته

أهلا بيكم في حلقة النهاردة وهنتكلم إن شاء الله عن الرسم للموشن جرافيك هنتكلم تقريبا في تلات أربع نقاط 💁

✓ أول حاجة: البرنامج اللي استخدمه لرسم الموشن جرافيك

✓ تاني نقطة: هل لازم يكون معي جرافيك تابلت عشان أرسم ولو لازم يكون معي جرافيك تابلت إيه الأنواع ؟

✓ تالت حاجة: هل لازم أكون أعرف أرسم يدوياً ؟

✓ رابع حاجة: هل لازم أنا اللي أرسم أنفع أستعين برسام أو أستعين بمثلاً رسومات جاهزة

دي برضو نقطة من ضمن النقاط اللي هنتكلم فيها احنا اتكلمنا إن تم كتابة الاسكريبت وتم التعليق الصوتي وتم عمل الاستوري بورد اللي على أساسها هيتم عمل الرسومات طيب يعني احنا عملنا الاستوري بورد وعلى أساسها هيتم الرسومات

💥 مبدئياً كده إزاي بيتم اختيار الألوان اللي هنرسم على أساسها المشروع بتاعنا أو البروجيكت بتاعنا ؟

لازم ولابد يكون فيه هوية للمكان اللي أنت بتعمله سواء شركة، مؤسسة ، كيان أيا كان هذا الكيان لازم يكون في باليتة ألوان بتمشي عليها باليتة الألوان دي هتريحك بشكل كبير جداً سواء أنت اللي هترسم أو حد هيرسم أو أنت بتجيب رسومات جاهزة وتعدل ألوانها هتعدلها على أساس باليتة الألوان دي

💥 طيب على أي أساس أنا بجيب البالته دي وعلى أي أساس بعمل الألوان دي؟

★ على أساس زي ما قلنا الهوية بتاعة المكان الشعار مثلاً فيه لونين معينين ليهم شعار ليهم ويب سايت متخذين هوية أو براند بشكل عام لو الناس دي بروفيشنال بيكون ليهم ألوان معينة معتمدين عليهاأنت بتعتمد عليها كذلك في الرسم

💥 طيب تاني حاجة ايه البرامج اللي استخدمها؟

يعني أغلب الناس بترسم الاليستريشن ببرنامج الاستريتور فيه ناس كذلك بترسم ببرنامج الفوتوشوب وفيه ناس بترسم داخل الافتر ايفيكت 👈 الموضوع مش مقيد ببرنامج أهم حاجة أنت عندك مش هنقول الموهبة عندك شوية موهبة مع اد كده اجتهاد هتقدر تتعلم رسم الموشن جرافيك

💥 طيب نيجي لنقطة تانية برضو اللي هي إيه الحاجات اللي براعيها في رسم الموشن جرافيك؟

✓ لازم مبدئيا لما تيجي تتواصل مع العميل توريه استايلات شغلك دي حاجة أو تسأله برضو إيه الاستايل الرسمي اللي هو عاوزه استايل الشغل اللي عجبه عموما عشان على هذا الأساس يكون توجهك يعني

✓ بحيث هو بيبقى عايز استايل رسم معين مثلاً فلات بسيط جداً ,غير اللي عايز حاجة مثلاً ترادشنال شوية حاجة أوتلاين أو استروكس واستروكس دي مش مخدرات😂

✓ فلازم نكون متفقين على الاستايل اللي هيتم الرسم بيه وكذلك اللي هيرسم يرسم مثلاً أول مشهد أول مشهدين بحاجة تسمى استايل فريم بحيث إن البروجيكت كبير مثلاً في عدد مشاهد كبيرة أيا كانت

⚠️ ما تجيش أنت ترسم كل ده وتعرضه على العميل يقولك لأ ده مش ده اللي أنا عايزه فعشان تكون الأمور واضحة من البداية لازم يحصل حاجة اسمها استايل فريم أو رسم مشهد أو مشهدين

✓ بحيث العميل يشوف الاستايل ويقولك خلاص أوكي كمل أو عدل فأنت ما تتعبش كتير في الموضوع ده

💥 نيجي للنقطة اللي بعد كده اللي هي هل لازم يكون معايا جرافيك تابلت أو أرسم بجرافيك تابلت؟

والله مش شرط الموضوع ده عن نفسي رسوماتي كلها برسم بالموس عادي أنا جبت الجرافيك التابلت ده بس استخدامي ليه يكاد يكون معدوم مش بستخدمه كتير ✨بالإضافة إلى يعني في نصيحة اللي هي طالما ما بتعرفش ترسم بإيدك متجيبش جرافيك تابلت خصوصا من النوع ده مش هيفيدك بشكل كبير يعني طالما أنت ما بتعرفش ترسم بيه ولكن برضه عشان مفتيش في موضوع الجرافيك تابلت لأن مش برسم بيه هسيبلكم رابط قناة إسلام أمين ده راجل ما شاء الله عليه في الرسم وكويس جداً بيشرحلكم التابلتات دي كلها وأنواعها ولو بترسم حتى بالايباد أو كل الحاجات دي يعني قناته مختصة بالموضوع ده 👈رابط قناته: https://youtube.com/@AnimationGym

يبقى مش لازم ترسم بجرافيك تابلت تمام؟ • لكن لو أنت عندك موهبة الرسم ده هيفيدك جداً يعني سواء اللي هو من غير شاشة كأن أنت ماسك موس بترسم بيه بتسهل عليك في شوية حاجات كده أو اللي هو بشاشة يكون أفضل طبعاً

💥 طيب نيجي للنقطة اللي بعد كده اللي هي هل لازم بكون أرسم بعرف أرسم يدويا؟

دي برضه تكملة للنقطة اللي فاتت مش شرط تكون تعرف ترسم بإيدك يعني بشوف استايلات رسم كتير كلها مرسومة بالماوس فأنت مش شرط تكون بتعرف ترسم بإيدك ولكن لو بتعرف ترسم بإيدك الموضوع ده هيفيدك جدا جدا يعني تقدر تعمل الرسم على الورق حتى أو الجرافيك تابلت

كده بتدي الألوان والكلر والحاجات بتاعتك هيطلع شغل جامد جدا ولكن مش شرط تكون زي حالاتي أنا مش بعرف أرسم يدويا حتى اليومين دول بتدرب أهو النهاردة مش اليومين دول فيه قناة اسمها شاذلي برضو 👈هسيبلكم الرابط: https://youtube.com/@shazlyartcaricature بيرسم كاريكاتير يعني فقعدت اذاكر وراه الرسومات اليدوية مش الرسومات على الكمبيوتر فمش شرط تكون تقيد نفسك أنا مش بعرف أرسم فخلاص مش هشتغل في رسم الموشن جرافيك

ولكن دي نقطة زيادة أو تكون كويسة جداً لو أنت بتعرف ترسم يدوياً هتفيدك جداً في الرسم عموماً إنك هتعرف تطلع حاجات محترمة يعني

💥 طيب نيجي للنقطة اللي بعد كده لو أنا عايز أشتغل في الموشن وعاوز أشتغل تحريك فقط

هل لازم أرسم وأتعلم الرسم والكلام ده؟

لأ خالص إطلاقاً وده لسبب معين لأن في متوفر ناس متخصصة في الرسم فقط يعني أعرف ناس كتيرة تخصصهم في الرسم فقط

وطلعوا شغل مميز جداً إزاي توصلهم؟ بردو زي ما قلنا قبل كده في إزاي توصل للمعلق الصوتي ولكاتب الاسكريبت عن طريق مثلا في جروبات على الفيسبوك وأنا هسيبلكم شوية روابط لجروبات على الفيسبوك ادخل على اي جروب منهم اكتب إنك عايز رسام اليستريشن لمشروع موشن مثلاً لو أنت محتاج حد وبيعرضوا عليك شغلهم وشوف الكلام ده روابط الجروبات:👇 ـ https://m.facebook.com/groups/1520436404720181/ ـ https://m.facebook.com/groups/2528498194136903/ ـ https://m.facebook.com/groups/521913194685001/ ـ https://m.facebook.com/groups/1860001707559379/ ـ https://m.facebook.com/groups/1543619689261030/ ـ https://m.facebook.com/groups/2174080562915631/ ـ https://m.facebook.com/groups/116571815083704/ ـ https://m.facebook.com/groups/392791044077830/

• تاني حاجة أنت ممكن توصل للناس دي عن طريق بيهانس تبحث وتلاقي التواصل معاهم أو كده • كذلك مواقع العمل الحر أيا كانت فأنت مش لازم تتعلم الرسم علشان تشتغل في الموشن اتعلم التحريك فقط وأتقنه وده الأفضل إنك تتخصص في حاجة أكيد هتطلع حاجة جامدة جداً

⚠️ غير إنك بتمشي في الحاجتين يعني بتكون صعب إنك توازن بينهم تطلع بقوة إن حد اتخصص يعني في حاجة معينة فمش لازم إنك ترسمها

💥 تاني حاجة أو تاني يعني تكملة لهذه النقطة إنك مش لازم ترسم وممكن ما تستعينش برسام بس اتعلم استريتور شوية وتضغط على نفسك أو فوتوشوب

✨ ويفضل الاستريتور لسبب ما إنك ممكن تستعين برسومات جاهزة من موقع زي فري بيك أو موقع شترستوك موقع شترستوك طبعاً عليه حاجات قوية جداً ولكنها مدفوعة موقع فري بيك برضه عليه حاجات مدفوعة وحاجات مجانية كتير جداً تقدر تستعين بالحاجة دي وتحور في ألوانها

بحيث وعلى أساس باليتة الألوان اللي أنت اخترتها بتحور في الألوان بتاعتها وتطلع شغل متناسق فلذلك احنا بنقول إنك لازم تمشي على المراحل دي إنك بتعمل الاستوري بورد أو بتقسم الاسكريبت بتاعك وبتعمل الاستوري بورد اللي على أساسها تقدر تجمع مشاهد معينة 💯

لو أنت مش هترسم يعني وعلى أساس باليتة الألوان اللي أنت حددتها هتقدر إنك تطلع حاجة شكلها كويس دي الفكرة كلها إنك بتعمل زي ما قلنا باليتة ألوان تمشي عليها سواء تجيب رسومات جاهزة تعدل عليها أو تستعين برسام فبس كده ده كل الموضوع 💁

والسلام عليكم ورحمه الله وبركاته