كيف تحصل على عملاء🤔
كيف تحصل على عملاء🤔
ازاي أوصل لعملاء
وازاي أتعامل مع عملاء اكتر👬👬
وازاي اوسع دايرة عملائي بحيث اني اشتغل اكتر واكسب اكتر
هنتكلم عن ست نقاط مهمين في اصطياد العملاء او في الوصول لأكبر عدد ممكن من العملاء يلا بنا نبدأ.
⚡ اول نقطة معنا اللي هي اعمل معرض اعمال قوي ليك
معرض الاعمال ده شيء مهم جداً بحيث انك لما توصل لعميل بأياً كانت الطريقة وجالك عميل وعايز منك شغل بتعرض الشغل بتاعك
💁 ما تفضلش تقول له .. ثواني هجيب لك صورة من هنا طب خد شوف صفحتي الشخصية على الفيسبوك مثلاً فيها الأعمال لا لازم يكون لك معرض بشكل احترافي بتعرض عليه الشغل بتاعك مرتب منظم بحيث لما يجي لك عميل أو لما تتواصل انت مع عميل تبعت له الرابط وهو بيشوفه
اعمل ازاي البورتفوليو او معرض الاعمال ده؟🤔
باكتر من موقع في اشهرهم موقع بيهانس انك تعمل عليه الشغل بتاعك ومخصص لكده ده اقوى حاجة للكلام ده 👌
لو انت مثلاً شغلك في الموشن جرافيك مثلاً فبرضو بيهانس كويس
كذلك ممكن تعرض أعمالك على فيميو في موقع تاني اسمه دريبيل ممكن تعرض عليه في موقع للمصممين الثري دي اسمه ارت استيشن في اكتر من موقع،
ويفضل كمان لو انت تقدر تعمل ويب سايت خاص تعرض فيه اعمالك والتواصل معاك هيكون شيء ممتاز جداً ودي روابط مواقع للبرتفليو أو معرض الأعمال👇
https://www.behance.net/ https://dribbble.com/
https://www.artstation.com/?sort_by=community
أو على الأقل خالص
تعمل صفحة خاصة بك مثلا على تويتر أو فيسبوك يكون فيها أعمالك فقط ما يكونش فيها لك بوستات أو حاجات شخصية لا يكون شغلك فقط
⚡تاني نقطة معنا .. طباعة كارت شخصي لك
أياً كان مجال تخصصك في التصميم يفضل يكون ليك كارت شخصي او بيزنس كارت شكله حلو وبسيط بحيث انك تعرضه أو تديه للناس بشكل يدوي وورقي فعلاً في اي وقت انت خرجت مع اصحابك مع العيلة مع اي حد تدي الكارت ده توزعه في اي مكان بدون اي حرج وما تتكسفش وزع الكارت واكيد لما تسعى وتوزع الكروت اكتر او تهتم انك توصل لأكبر قدر ممكن من الناس اكيد هجيلك من ورا الكلام ده عملاء اكتر إن شاء الله
فدول كانوا اول نقطتين معانا ⚡
ونخش بقى على النصيحة رقم تلاتة نصيحة مهمة جداً وهي
جمع أرقام الشركات سواء لقيت الارقام دي في الجرايد او الأخبار في الانترنت في مواقع التواصل في الشارع انت ماشي في اي حتة جمع ارقام الشركات أرقام المطاعم ارقام الفنادق المستشفيات والمختبرات كل الحاجات دي
جمع الأرقام انت تجمع اكبر قدر ممكن من الارقام وعشان متلخبطش سجلهم بالطريقة التالية - سجلهم مثلاً شغل1 والرقم اللي بعده سجله شغل2 شغل3 شغل4 - او زبون1 زبون2 حسب ما انت عاوز سجل اهم حاجة مثلاً كلمة معينة سجلها فيهم كلهم مع رقم تسلسلي
وده لسبب واحد ان انت بعد كده إن شاء الله مثلاً هتعمل تصميم لك انت فيه اعمالك مثلاً تصميم شعارات تصميم كارت او نماذج لاعمالك
وتروح على الواتساب بعد ما سجلت الارقام دي تبعت لهم الشغل بتاعك هتبعت ازاي عشان تسهل على نفسك الموضوع؟ بتبحث بقى وتلاقي مثلاً تكتب كلمة شغل مثلاً انت سجلتها بتلاقي كل الارقام بتحددها وتبعتها بدل ما تفضل تفتكر ايه أسامي الشركات اللي أنا سجلتها والكلام ده
⚡نصيحة اربع لاكبر قدر من العملاء اللي هي عن طريق السوشيال ميدياة للوصول
- من حيث نشر اعمالك على السوشيال ميديا
- من حيث الاشتراك في الجروبات اللي فيها مثلاً تجمعات اكبر تجمعات المصممين زي في جروبات على الفيس بوك هسيبلكم الرابط الخاص بيها الروابط👇
https://www.facebook.com/groups/1designer
https://www.facebook.com/groups/BTO3ELMOTION
https://www.facebook.com/groups/creativedesignersclub https://www.facebook.com/groups/designerexperience
جروبات كتيرة على الفيسبوك للمصممين ممكن تنضم للجروبات دي بحيث تشارك أعمالك تشوف ناس طالبة شغل اتواصل معاهم وهكذا من حيث متابعة الناس الخبراء في المجال وتتابعهم وتستفاد منهم
كذلك من فترة للتانية اعمل اعلانات ممولة سواء على فيسبوك تويتر انستجرام أيا كان اعمل اعلانات ممولة بتدفع فلوس لكن بيجي لك عملاء فبتعوض اللي بتدفعه ده في التسويق وده شيء مهم جداً التسويق لنفسك
⚡ ومع النقطة الخامسة
اللي هي الاهتمام بالمناسبات بمعنى ايه؟ يعني مثلا مناسبة رمضان، مناسبة العيد اي مناسبات جاية حاول تهتم بها من حيث انك تعمل تصاميم ليها وبترسلها للعملاء في المناسبات دي
ومن تحت تسجل تصميم فلان الفلاني وتحط رقمك 📱
بحيث لما هما يبعتوه لقرايبهم يبعتوه في المناسبات ايا كانت بيشوفو رقمك ويتواصلو معاك فنقطة الاهتمام بالمناسبات دي مهمة جداً أيا كانت المناسبات دي بقى في فترتها وقبلها تحاول تركز على الموضوع ده
⚡ النقطة السادسة
والاخيرة انك تقدم على اكبر قدر ممكن من الشغل على مواقع العمل الحر 💻 زي مواقع العربية و الأجنبية
• المواقع العربية اشهرهم مستقل وخمسات • وفي مواقع أجنبية زي اب وورك وموقع فريلانسر ومواقع كتيرة هسيبلكم كل روابط المواقع دي الروابط👇 https://mostaql.com https://khamsat.com https://www.freelancer.com https://www.upwork.com
فمهم جداً انك تقدم اكبر قدر ممكن على الوظائف او على الخدمات المطلوبة تقدم عليها بحيث تصادف انه يجي لك شغل ومن هنا تبدأ من المهم جدا انك تحصل على تقييم كويس في المواقع دي عشان هيفيدك
و من باب الامانة وانا بجهز المقالة دي افتكرت ان كان في بوست عالفيس بوك قريته من زمان فادني جداً في الموضوع ده وفيه خطوات مهمة جداً وتقريباً المقال دا اعتمد على البوست ده لاني شفته من زمان فجي في بالي رابط البوست 👇 https://m.facebook.com/groups/1designer/permalink/630117550531231/
بس كده واتمنالكم كل التوفيق😍
ليه وازاي اتعلمت الرسم للموشن جرافيك🤔
‏حابب اشاركم مقال النهاردة في اربع نقاط اللي هم ‏✔️ انا ازاي اتعلمت رسم الموشن جرافيك؟ وا...
مش عارف اتعلم 😪
زمان كان صعب جدا انك توصل لمكان تتعلم منه ولو وصلته بيكون بعد تعب كتير او بمقابل كبير 😪 دلوقتي مف...
خمس حاجات هتطور من مستوى شغلك في الموشن جرافيك
خمس حاجات لو عملتهم هتطور من مستوى شغلك في الموشن جرافيك 👌السلام عليكم ورحمة الله وبركاتهأهلا بكم ي...
الصحة متتعوضش
طبيعة شغلنا في التصميم أو الشغل لفترة كبيرة على الاجهزة ممكن مع الوقت يعملنا مشاكل صحية 💻 انت مش ح...
- طريقة عمل ستوري بورد في الموشن جرافيك
✨ لو أنت عايز تدخل مجال الموشن جرافيك أو بالفعل دخلت مجال الموشن جرافيك وسمعت عن حاجة اسمها الاست...
التعليق الصوتي للموشن جرافيك
التعليق الصوتي للموشن جرافيك تلت نقاط مهمين جداً هنتكلم عليهم النهاردة ☑️ ازاي لو انا عاي...