لو حابب تعرف الخطوات والمراحل اللي بمشي عليها عشان انفذ فيديو كامل من البداية للنهاية فهتكلم عن

خطواتي وطريقتي الخاصة في عمل فيديو موشن من البداية للنهاية

⚡ أول حاجة طبعاً لازم يكون في عميل

يعني اول خطوة بيتواصل معايا العميل في بداية شغلي كنت بحصل على عملاء او بيجيلي عملاء من خلال مواقع العمل الحر بعد كده بدأت إني لما أعمل أي شغل بنشره في جروبات الفيسبوك الخاصة بالمصممين، فبيجيلي عملاء من الجروبات وفي الفترة الحالية مثلاً بيجيلي عملاء من خلال قناتي على اليوتيوب لما يشوفوا شغلي فبيتواصلوا معايا على الايميل

فبعد ما بيتواصل معاك العميل وبتتفقوا على تكلفة الفيديو يُفضل انه يدفعلك عربون وبعد كده بتبدأ في التنفيذ فبتتفق مع العميل هل هو مجهز اسكريبت ولا مش مجهزه مجهز ڤويس أوڤر ولا مش مجهزه في الحالات دي لو مكانش مجهز الحاجات دي اللي هو السيناريو أو الاسكريبت أو الڤويس أوڤر انت بقى بتزود عليه في التكلفة وانت بتتعاقد ليه أو تتفقله مع حد تاني يكتب السيناريو وحد يعمل التعليق الصوتي

فاحنا كده انتهينا من ايه من الموضوع ده سواء العميل عنده الحاجات دي السيناريو او الصوت او ما عندوش فانت بتتفق مع حد وتعملهوله.

⚡ بعد كده بتخش على مرحلة تقسيم السيناريو لمشاهد

بجيب الاسكريبت كده مكتوب عندي ملف وورد أو الاليستريتور أو أياً كان وببدأ أقسمه لمشاهد منفصلة وأحاول أخلي كل مشهد كده في جزء معين انه ينفع يكون مشهد يعني كل عبارة مثلاً أفصلهم كده مع بعض

مثلاً لو كانت دقيقة مثلاً عشر مشاهد أو حسب الموضوع طبعاً بحيث إني افرقهم كده كل جملة عن التانية بحيث ان اعرف ان لكل حاجة منهم مشهد منفصل عشان خطوة التقسيم دي بتسهل عليا الخطوة اللي جاية.

⚡ الخطوة اللي بعد كده بعد ما قسمت الاسكريبت ببدأ اعمل حاجة اسمها الاستوري بورد

لحظة واحدة يعني اي الاستوري بورد؟🤔

بص يا سيدي الاستوري بورد دا يعني انك بترسم حتى رسم كروكي كده اياً كان الرسم سواء تعرف ترسم بايدك أو مبرسمش ترسم زي الشخابيط كده او زي خطوط توضيحية لسير المشاهد بتجيب مثلاً ورقة متقسمة وده رابط لتمبليت للاستوري بورد تقدر تطبعه اكتر من نسخة أنا طابع مثلاً منه الكمية الرابط👇

https://sonidesigner.com/templates/stoaryboard

⚡وأول ما أقسم الاسكريب بجيب بقى المشاهد دي وأفضل بقى أتخيل كل مشهد

مثلاً شكله ازاي مثلاً واحد بيتكلم بيتكلم بيقول لك تبحث عن شركة مثلاً فبرسم شركة وشوية أيقونات مثلاً يعني فتفضل تتخيل كل مشهد ماشي ازاي

ممكن ترسم على ورق زي كده وبعد كده بعد ما تخلص بتصوره وتبعته للعميل أو لو معاك جرافيك تابلت أياً كان النوع فأنت عندك خيارين ترسم على ورقة أو ترسم على جرافيك تابلت

ومتروحش بقى تجري تشتري جرافيك تابلت وتدور عليه والكلام ده طالما انت مش محتاجله دلوقتي انت ممكن ترسم على الورقة عادي

طيب اهمية مرحلة رسم الاستوري بورد دي اي؟🤔

مهمة جدا المرحلة دي في ثلاث عناصر💁

✅ أولاً مهم بالنسبالك انت بتكون منظم شغلك لما تيجي ترسم بعد كده أو تجمع مشاهد تكون شايف الخطوط العريضة وشايف انت ماشي فين ✍️📄 بدل ما تفضل بقى تفكر وبتاع فدي المرحلة بتتجمع فيها كل افكارك عشان لما تبدأ ترسم ما تفكرش كتير يعني

✅ تاني حاجة ان لما تبعت الاستوري بورد دي للعميل العميل بيقول ده راجل منظم ويثق في شغلك

✅ وتالت حاجة انت بتسهل على العميل تصور العمل هيكون ازاي

⚡ خلاص احنا قسمنا السكريبت ورسمنا الاستوري بورد بعد كده بندخل على رسم المشاهد

رسم المشاهد ده فيها كذا جزئية

• فيها اول حاجة بترسم للعميل ده سواء بترسم او بتجمع مشاهد بترسم للعميل ده مشهدين او مشهد

دي بنسميها حاجة اسمها استايل فريم يعني ايه استايل فريم؟ واهميتها ايه؟🤔 انت بترسمله بتوضحله سير المشاهد هيكون ازاي يعني هيكون ازاي سير المشاهد والالوان والاستايل وكده

فهو بيشوفه يقول لك اوكي كمل على هذا الاساس معترض على حاجة معينة بتعدلها بحيث انت مبترسمش كل المشاهد وترجع تعدل من الاول

طيب بعد ما رسمنا الاستايل فريم والعميل قال اوكي والالوان تمام خلاص تبدأ تكمل باقي الرسومات

بالنسبة لي أنا برسم من الصفر وبرضه أحياناً بستعين برسومات جاهزة وبعدل عليها يعني مثلاً انا محتاج ايقونة معينة وموجودة بشكل جاهز ممكن أنا أجيبها وأعدل الوانها بدل ما أرسمها من جديد وهكذا

فيفضل انك تتعلم شوية اليستريتور سواء انت عشان ترسم او سواء علشان انك تعدل على رسومات جاهزة

في حل تاني انك تستعين برسام يرسملك المشاهد دي ولكن في الحالة دي برضو هتزود على العميل التكلفة او انت تشوف الدنيا بتاعتك

بعد ما خلصنا الرسومات وبعتناها للعميل والعميل قاله اوكيه تمام خلاص بعد كده بخش في المرحلة اللي بعد كده

⚡ اللي هي نبدأ نفك الرسومات دي بحيث تبقى سهلة علينا في التحريك

⚡ وبعد كده بنخش على المرحلة بعد كده اللي هي التحريك في مرحلة التحريك بقى فيها برضه بعض الحاجات

• اول حاجة بنحاول نسمي المشاهد باسامي واضحة عشان واحنا شغالين نبقى عارفين ولو حد سمى الليارات نفسها مع اني مش بفضل دي وبحسها غلسة جدا يعني سميها برضو هتسهل عليك يعني وتسهل على حد لو حد يعدل بعد كده بيكون أسهل

• تاني حاجة بندخل الملفات دي في افتر ايفيكت وننسقها في فايلات كده من ملف لملفات الاي آي، ملف للكومبيزشن، ملف للصوت عملية تنظيمية

• ‏بعد كده بننزل المشاهد دي بتاعتنا في التايم لاين ونبدأ نمشيها مع الصوت نقسمها مع الصوت بطريقتي أنا الخاصة بعد ما نمشيها مع الصوت نبدأ بقى ندخل داخل كل مشهد ونعمل له تحريكه الخاص في الإطار الزمني بتاع الصوت ده

بعد ما نخلص تحريك كل مشهد منفصل برجع للكومبيشن الرئيسي بقى وأبدأ أعمل انتقالات ما بين المشاهد وزي ما قلنا لا يفضل استخدام الانتقالات الجاهزة

ولكن يفضل تعمل انتقالات اللي هي الانتقالات الاحترافية اكتر مثلاً عندك ايقونة معينة ممكن تحولها لشكل تاني فتخدمك في المشهد اللي بعده وهكذا والحتة دي مهمة انك تبنيها في الاستوري بورد أثناء تفكيرك يعني

• وطبعاً بعد ما نخلص الانتقالات بنضيف المؤثرات الصوتية أو لو عندنا شوية المنتس كده مع العناصر مثلاً لو عندي عنصر يتحرك من اليمين للشمال ممكن نحط وراه خطوط كده مثلاً بتحسن الشكل .

⚡ وبعد كده بنستخرج الفيديو النهائي

⚡ وبعد كده بنبعته للعميل 💻

⚡ وبعد كده بنقبض بقى ونهيص💰

بس كده فدي كل المراحل اللي انا بشتغل عليها واللي احنا بالفعل شرحناها في كورس الموشن جرافيك من الصفر للاحتراف شرحنا الخطوات دي بشكل عملي واشتغلناها بشكل عملي

https://bit.ly/3CXHT7T

وكذلك الخطوات دي اتكلمنا عن كل واحدة بشكل منفصل في بلاي ليست اسمها نصائح في الموشن جرافيك ودا الرابط بتاعها👇

https://youtube.com/playlist?list=PLo2GNBOPnuCfx0Sax3gR5G3SiVd-CwpdP

بس كده وبتمنالكم كل التوفيق