هنتكلم في الموضوع ده عن اكتر من نقطة

☑️ أولا ايه هو الشوريل

☑️ ثانياً ايه أهميته

☑️ ثالثاً ازاي اعمله

☑️ والنقاط اللي اراعيها وانا بعمل الشوريل

☑️ اول نقطة ايه هو الشوريل؟🤔

هو تجميع لاعمالك خلال السنة كلها واغلب اللي بيعمل الشوريل ده بيكون بتوع فيديوهات يعني موشن حرافيك، انيميشن، لوجو انيميشن

وكذلك لو ليك تصاميم ثايتة تقدر تختار افضلها وتعرضها في شكل فيديو

☑️ تاني حاجة هي اي أهمية الشوريل؟ 🤔

في شركات كتيرة بتطلب تشوف الشوريل بتاعك في اعلانات الوظائف بيقولك ادينا شغلك وادينا الشوريل،🤷 بس في ناس كتيرة بتطلبه

فيفضل ان انت تكون منظم كل اخر سنة بتجمع اعمالك وبتعملها الشوريل ومتجمعهاش تجميع كده وخلاص ده اللي هنتكلم عنه في النقطة اللي بعديها

☑️ اي النقاط اللي تراعيها وانت بتعمل الشوريل؟✍️

• اول حاجة تراعيها اثناء عملك للشوريل دا التوقيت يعني حاول الفيديو اللي بتعمله يكون من تلاتين ثانية لستين ثانية مثلاً

• تاني نقطة جمع افضل اعمالك يعني اختار افضل اعمالك واختار من كل عمل افضل لقطة فيه مثلاً انت عامل فيديو موشن مثلاً وفيه مشهد حلو تحريك حلو انيميشن كده وبتاع اختار اللقطة الافضل في كل فيديو انت عملته خلال السنة وجمعهم ورا بعض كده

. تالت ملاحظة وتالت نقطة مش شرط تحط كل أعمالك بس انت عملت حاجات خلال السنة مكنتش راضي عنها مش شرط تحطها في الشوريل ويفضل انك متحطهاش في الشوريل🙅🏻‍♂️ انت في الشوريل دا بتختار أفضل الاعمال ومن كل عمل اختار افضل مشهد او افضل لقطة او افضل كم ثانية كدا

. رابع ملاحظة او نقطة اللي هي رتبهم للأفضل✍️

حاول تجذب اللي بيشوف الشوريل بانك تضيف افضل اعمالك بالبداية.

. خامس نقطة حاول تحط في الشوريل ده شغلك انت فقط يعني مثلاً لو شفت توتيريالز اتعلمته او كده متضيفوش يعني او انت فيديو مقلده ما تضيفهوش برضو في الشوريل لانه في الغالب هيتعرف وزي ما بيقولوا كده الدنيا مخرمة على بعضها فانت حاول يعني تشوف حاجات انت عاملها فعلياً وتضيفها في الشوريل

☑️ طيب نيجي بعد كده اعمله باي برنامج؟

اعمله باي برنامج مونتاج او حتى على الافترافكت ولو عند لقطة تحتاج تتسرع او تتبطء ظبطها

وبتضيف في البداية زي انتروة فيه اسمك وسنة الشوريل

ومتنساش تشاركنا بالشوريل بتاعك على جروب سوني ديزاينر على الفيس بوك

https://www.facebook.com/groups/sonidesigner

بس كده واتمنالكم كل التوفيق