خمس حاجات لو عملتهم هتطور من مستوى شغلك في الموشن جرافيك 👌
السلام عليكم ورحمة الله وبركاته
أهلا بكم يا شباب والنهاردة ان شاء الله هنتعرف على خمس حاجات لو اهتميت بهم وطورتهم وعرفتهم كويس جداً هيطوروا من شغلك في الموشن جرافيك 💁
✔️ أول حاجة اللي هي لما تيجي تفكك المشهد بتاعك عشان تنقله
انك تعمله تحريك في الافتر ايفيكت هتيجي تفككه سواء بالالستريتور او اي برنامج حاول تزود في التفاصيل
بمعنى انك لو بتحرك شخصية أو هتفكك شخصية
متخليهاش كقطعة واحدة او ليار واحدة خلي مثلاً تحاول على قدر الامكان تزود في التفاصيل
العينين لوحدها مثلاً البوق لو قدرت تقفله وتفتحه لوحده، الرأس نفسها لوحدها عشان تقدر تهزها يمين وشمال مثلاً، الايد لو عرفت تفككها كده
طبعاً في النقطة دي او في الشخصيات بالذات مش بتكلم على تحريك الشخصيات الاحترافي 👀يعني بتكلم على التحريك البسيط لان فيه ناس ممكن تحطلك الشخص كليار واحدة تظهرلك كده على طول
وفي ناس ممكن زي ما قلت تتعب شوية في تفتكها وتحطها بتزود شوية تفاصيل بتكون افضل بكثير ان شاء الله
كذلك مثلاً لو انت عندك ڤازة مثلاً او زهرية فيها ورق شجر مثلاً او ثلاث ورقات خمس ورقات
الافضل من انك تظهرها كليار واحدة وتروح عاملها كده وخلاص لأ الأفضل انك بتفصلها في أجزاء الڤازة دي لوحدها والورق كل ورقة لوحدها
وتعملها هزة بسيطة كده وحركة بسيطة هتكون افضل بكتير
فدي كانت النصيحة الأولى انك تحاول تهتم بالتفاصيل اكتر وتتعب في الموضوع
ممكن يكون الموضوع مجهد شوية أو متعب شوية ولكن صدقني هيجيب معاك نتيجة كويسة جداً

✔️ النصيحة التانية اللي هي عدم ثبات الحركة بعد الظهور
يعني انت عملت عنصر وطلع خلاص في المشهد والمشهد بتاعك لسة مكمل لسة قدامك مثلاً ثانيتين او ثانية أو كده
والحركة بتاعت مثلاً فلنفترض نضرب مثال بالڤازة برضو حركة الڤازة خلاص انتهت 🏺
متخليهاش تفضل ثابتة خلاص حاول تعملها حركة بحيث ميحصلش ملل للمشاهد
بحيث الفيديو بتاعك ميكونش ممل يعني لو حركة بسيطة مثلاً انت معاك مثلاً الڤازة دي حاول تهزها يمين شوية طول الكام ثانية معاك
ممكن تكون برضو مجهدة شوية ولكن بتدي نتيجة كويسة جدا معاك
اي عنصر معك بعد ما يظهر خلاص متخلوهش ثابت كده والمشهد خلاص كده جامد
لأ اعمله حركة بسيطة أيا كانت حركة بسيطة روتيشن بسيط حركة في البوزيشن اسكيل مثلاً
اي حركة بسيطة تفضل مستمرة معاك وتقدر تاخد ال key frame اللي انت عملتها copy past كده
بحيث تفضل الحركة فيها استمرارية معاك كده بحيث ان ميحصلش ملل للي بيتفرج على الفيديو 😩

✔️ تالت نصيحة معانا هتحسن مستوى شغلك جداً في الموشن جرافيك
اللي هي استخدام المؤثرات سواء البصرية 👀
او المؤثرات الصوتية 🔊
المؤثرات الصوتية بالذات يعني بأكد على النقطة دي
المؤثرات الصوتية بتفرق جداً يعني ممكن تكون عامل فيديو حلو جداً
ولكن ينقصه الصوت اللي مع الحركة ده بيعمل شغل رهيب جداً فالصوت بيفرق كتير وناس كتيرة بتهتم بالصوت
ممكن الصوت ده يغطي على جودة شغلها فانت اهتم بالصوت
كذلك مؤثرات ال elements والحاجات دي
بس مش بكترة يعني حاول تستخدم الاليمينتس أو المؤثرات دي مش جاهزة
يعني يفضل لو انت مثلاً عندك حركة ماوس جه من اليمين للشمال وراح ضاغط على حاجة فمتجبش انت حركات جاهزة وتحطها مش هتظبط معاك
حاول تعملها يدوية برضو هتكون متعبة اللي هي تعمل مثلاً مسار نفس حركة الماوس بالباص كده باستروك وتعمل له ترين باص يمشي وراه
فلما تضغط تحصل مثلاً فقاعة بسيطة كده مثلاً حاجة زي دي بتفرق جدا جدا في الشغل بتحسن جودة شغل الموشن جرافيك

✔️ النصيحة الرابعة معنا النهاردة اللي هي تابعة لنظرية اتقل على الرز ليشيط او حاجة زي كده
اللي هي ايه متستعجلش الشغل يعني انت بتعمل فيديو موشن متحاولش تنجزه في أقل وقت ⏳
انت يعني طالما الموضوع متسع معاك ومواركش ضغوطات او كده حاول تديله حقه
ومش شرط تخلصه في يوم ولا اتنين اديله حقه وبراحته خلي الموضوع له أريحية
اي نعم انت لو مرتبط بعميل في الموعد اوكيه بس بتحاول تدي نفسك مع العميل معاد مرتاح ليك
لو انت بتخلص الفيديو في أربع ايام قله ستة مثلاً وهكذا بحيث تقدر تطلع شغل كويس شغل مش متكروت ده هيفرق معك كتير جداً

✔️ النصيحة الخامسة والأخيرة في حلقة اليوم اللي هي غريبة شوية اللي هي راندر الفيديو مرتين
يعني ايه راندر الفيديو مرتين؟🤔
يعني انت خلصت الشغل بتاعك اهو خلصت الفيديو خلاص وضفت كل الحاجات وبتاع وراضي عن العمل راندره اوكي
ولكن نصيحة اسمعه كويس جدا وهتلاقي حاجات كتيرة محتاجة تعديل
ادخل عدلها وراندره مرة تانية طب ما انت ممكن تقول انا هسمعه في البريفيو يعني أو أثناء البرنامج نفسه ليه أعمله واستخرجه؟!
لأ انت شغال بقى ولسه مخلص شغل وتفضل تتفرج عليه كده هتحس ان مفيهوش اي مشكلة أو كويس أو كده
يعني لو حسيت انك تعبان مش هتقدر تعدل حتى في حاجة تانية 😩
فتخلي البرنامج يعمل راندر بحيث تاخد نفسك شوية كده وارجع بص على الفيديو بعد ما طلع
شوفوا بشكل فيديو متشوفوش في أثناء البرنامج نفسه
شوفه كشكل فيديو بعد ما ارتحت شوية كده صدقني هتلاقي فيه حاجات كتيرة وجيب ورقة وقلم كده
واسمع الفيديو بالراحة ودوس على المسطرة كده ووقف الفيديو واكتب مثلاً في الثانية الاولى في كذا وفي كذا في كذا ✍️
اكتب الحاجات اللي انت شايفها عايز تتعدل وارجع مثلاً حتى لو كنت تعبان في نفس اليوم ارجع تاني يوم او ريح شوية وارجع افتح البرنامج وعدل الحاجات دي
لان الحاجات دي بتفرق جداً ممكن أصلاً انت تبعت الفيديو للعميل مياخدش باله لكن هتفرق معاك انت كمصمم ان انت عايز تحسن من شغلك زي ما قلنا

بس كده والسلام عليكم ورحمة الله وبركاته