- طريقة عمل ستوري بورد في الموشن جرافيك

img

- طريقة عمل ستوري بورد في الموشن جرافيك

✨ لو أنت عايز تدخل مجال الموشن جرافيك أو بالفعل دخلت مجال الموشن جرافيك

وسمعت عن حاجة اسمها الاستوري بورد فالمقال ده ان شاء الله هنوضح ايه هي الاستوري بورد وايه أهميتها وإزاي نعملها

السلام عليكم ورحمة الله وبركاته

أهلا بيكم يا شباب النهاردة هنتكلم عن موضوع مهم جداً كنا اتكلمنا قبل كده في السلسلة بتاعتنا اللي هي مراحل الموشن جرافيك اتكلمنا عن الاسكريبت واتكلمنا عن التعليق الصوتي

★ النهاردة ان شاء الله هنتكلم عن الاستوري بورد والمرة الجاية إن شاء هنتكلم عن الرسم نفسه بالاستريتور واختيار الألوان والحاجات دي. 💥 نتكلم الأول عن إيه هي الاستوري بورد؟

• الاستوري بورد يعني ممكن تكون بأكتر من طريقة وأكتر من شكل وما هي إلا رسومات توضيحية بتساعد اللي هيرسم من ناحية إنه يبقى عارف المشاهد اللي عنده هتبقى إزاي

• ومن الناحية التانية لو أنت بعتها للعميل بيبقى العميل برضه شايف الشغل هيكون ماشي إزاي يعني حاجة زي النموذج اللي أنا بشتغل بيه

✓ ممكن تعمل التمبلت أنت بكل سهولة ممكن تقسم الورقة لأربع مشاهد مشهد واحد براحتك لكن أنا مقسمها أربعة فأنت بتكتب اسم المشروع

✓ يعني أنت بتجيب الورقة دي إن شاء الله بتصورها أكتر من صورة وتخلي كمية معينة أو كده ولما يجيلك شغل أو مشروع بتطلع مثلاً بعدد المشاهد هنتكلم عن الموضوع ده دلوقتي وتبدأ تكتب اسم المشروع وتكتب رقم المشهد وتعمل الرسمة المناسبة للمشهد اللي أنت هترسمها أو أنت سواء هتجيبها من فري بيك أو أيا كان

✓ وبتكتب تحت المشهد الوصف دي باختصار النقطة الأولى اللي هي الاستوري بورد

✓ ممكن تعمل بالورق كده ممكن ناس بتعملها بجرافيك تابلت أو كده بترسم اسكتش أو حاجة زي كده توضيحي على الكمبيوتر نفسه بالجرافيك تابلت

💥 إيه أهمية الاستوري بورد دي؟ زي ما قلنا أكتر من نقطة

• النقطة الأولى

إن أنت نفسك بتكون عارف المشاهد اللي عندك متسلسلة إزاي بدل ما عندك سكريبت كده كتابة كده مش هتستوعب هترسم ايه وايه بعد ايه

• لكن دي أنت بتجمع فيها أفكارك تقول المشهد الأول هرسم مثلاً واحد بيمشي فمش عارف ايه

• في المشهد التاني قبله كده فالمشهد التالت حصل مش عارف ايه كأنك بتعمل القصة كلها في ورق كده ورا بعضه في مشاهد ورا بعضها

✓ علشان لما تيجي بالفعل ترسم يبقى معاك الورق ده تبقى شايف أنت الأفكار كلها مجمعة هنا بدل ما تفضل تجمع أفكار تانية وتتعب أكتر والمجهود هيكون مضاعف يبقى دي النقطة الاولى إن هي بتسهل عليك أنت الشغل يعني يجمعلك الشغل

💥 طيب النقطة التانية

هتكون للعميل زي ما قلنا إن هي لما تبعتها للعميل كده أنت بعد ما بتخلص بتصورها سكانر أو تاخدها سكان أيا كان بتبعتها للعميل وبتقوله دي للمشاهد يعني حتى هنتكلم برضه عن النقطة دي اللي أنت مش شرط تكون بترسم يدوي بروفيشنال يعني ممكن أي شخبطة كده فالنقطة التانية أهميتها للعميل يعني العميل هيقول الراجل ده فاهم ومحترف والعميل كذلك هيعرف المشاهد هتكون فيها ايه بحيث لو عنده تعديل عنده حاجة يقولهالك من مرحلة الاستوري بورد يعني ممكن تاخد منك الاستوري بورد دي ساعة أفضل ما تفضل ترسم كل المشاهد في مثلاً تمن ساعات أو أيا كان فالمجهود هيكون أقل بكتير.

طيب يبقى احنا كده اتكلمنا عن ايه هي الاستوري بورد وايه أهمية الاستوري بورد طب النقطة اللي بعد كده

💥 هل لازم اكون بعرف ارسم علشان أعمل ستوري بورد؟

لا خالص أنا عن نفسي مش بعرف أرسم يدويا بشكل محترف ولكن بعمل زي منقول كده شخبطة أو اسكتش أو كروكي للمشهد حتى لو بتعمل شخصية ممكن تعملها زي كده اللي تعمل دايرة كده ومش عارفة رجلهم مثلاً يعني فأنت بتقول للعميل أو لنفسك إن هنا فيه شخصية أما تيجي تبدأ ترسم أو بتجمع مشاهد حسب ما أنت شغال بيكون أفضل بكتير.

طيب فيبقى اتكلمنا عن تلات نقاط ايه ايه الاستوري بورد وايه أهميتها وهل لازم أكون اعرف أرسم ولا لأ

💥 إزاي أبدأ ارسم الاستوري بورد؟

زي ما قلنا كده أنت بتجيب ورقة وبتصورها كتير أو ترسم اسكتش في التابلت أو الكمبيوتر اوكي لكن يفضل الطريقة دي أفضل طيب بتعمل ايه؟

بتجيب تفتح قدامك الاسكريبت على الكمبيوتر أو مطبوع برضو وتحاول تقسم الاسكريبت عندك لمشاهد زي ما اتكلمنا في الدرس بتاع الاسكريبتس ان المشاهد المفترض بتجيلك مقسمة أو متقسمة لكل مشهد موصوف الرسمة بتاعته فده هيسهل عليك جداً

✓ فأنت بتجيب الاسكريبت وبتبدأ تكتب مثلاً المشهد الأول وبترسم الحاجة اللي أنت شايفها إنها هتتنفذ في المشهد ده

✓ كذلك المشهد التاني ولو فيه ربط بين المشهدين ممكن تعمل سهم إن احنا هنعمل كده وتوضح في الوصف تحت فدي الطريقة يعني إنك بتفتح الاسكريبت قدامك وبتفتح وبتجيب الورق وبتبدأ تجمع أفكارك كلها

✓ وكذلك تبحث في مصادر كتير يعني هتشوف refrance على المواقع بتاعة الرسومات وكده هتساعدك جداً

★ فدي ببساطة الطريقة فتعالوا نشوف عموما الخطوات اللي بمشي عليها في الفيديوهات هنا أنا بقسم الملفات عندي يعني بعد ما أدخل في الملف بتاع العميل بعمل ملف اللي هي الرسومات بعد ما تكتمل

• وكذلك فيه برضو الألوان كنت بعرضها على العميل يعني و رسومات توضيحية وبعد ما اخلصها بصورها بالتليفون عادي جداً وبدخلها في مثلاً الفوتوشوب أو الاستريتور وبكتب الوصف للعميل بتاع كل مشهد عشان بس تبقى الأمور واضحة

• كنت بقول للعميل ده الاستوري بورد ودي الرسومات فحاجة يعني اللي هو لازم تعرض دي على العميل الأول زي ما قلنا بتعرضها على العميل تحسسه إن الدنيا واضحة بالنسباله وكذلك لما أنت تيجي ترسم برضه بتكون الأمور يعني واضحة قدامك

برضه ممكن لو أنت بتعمل أي اختلافات بسيطة مش مشكلة بس أنت يكون فيه خطوط عريضة بتمشي عليها بس كده 💁 ده كان مقال النهاردة عن الاستوري بورد وأهميته رابط التامبلت👇 ـ https://sonidesigner.com/product/material2/ وتابعوا معانا كل أسبوع إن شاء الله المقال الجاي هتكلم عن مرحلة الرسم نفسه واختيار الألوان على أي أساس وحاجات مهمة جداً جداً وأخيراً لو عايز تعمق في هذه الأشياء وفي الاستوري بورد بشكل عملي جامد جداً أنصحك بالكورس ده👇 ـ https://www.sonicourses.com/bundle_details/8/

والسلام عليكم ورحمة الله وبركاته