هل احتراف الجرافيك موهبة ولا تدريب🤔

او تعلم اي مهارة عموماً هل هو موهبة ولا تدريب؟🤔

وهل لو انا مش موهوب في مهارة معينة هل أقدر اتقن الشيء ده ولا لأ👀

دي الحاجات اللي هنتكلم عنها ان شاء الله فيلا بنا نبدأ😌

هنحاول نتكلم عن موضوع الموهبة وموضوع هل هو موهبة ام تدريب 🎨

في الإطار الخاص بنا كمجال الجرافيك مثلاً وبعض المجالات القريبة

خلينا نبدأ اولا في مقولة بتقول ان طالما في انسان او في شخص قدر يصنع شيء معين يعمل انجاز معين، قدر يوصل لمستوى احترافي في مهارة معينة

يبقى انت كذلك كإنسان زيه تقدر تعمل كده💁‍♂️ بس الكلام ده طبعاً مش مظبوط بنسبة مية في المية

يعني في بعض العوامل بتأثر على الكلام ده زي الجينات الوراثية مثلاً، زي البيئة، زي طريقة التربية

في بعض العوامل بتأثر ان انت متقدرش تعمل حاجات عملها شخص تاني عنده قدرات خاصة فيها مثلاً أو مولود بحتة زيادة بها🤷

ولكن الكلام ده مش في كل المهارات فيه مهارات كتيرة جداً تقدر بالتدريب انك توصل وتتخطى كمان واحد موهوب بشيء معين

خلينا مثلاً نضرب مثال على المجال بتاعنا مجال تعلم الجرافيك لما تيجي تبدأ تتعلم جرافيك مثلاً

وبتحس ان انت أول بداياتك كده حاسس ان انت مش فاهم في الالوان ومبوظ الدنيا في الالوان حاسس انت مش عارف تظبط التصميم

بتيأس وتقول لا ده الناس المصممين الجامدين دول المحترفين دول مولودين بالموهبة دي او هم عندهم موهبة التصميم✍️

مع ان بالعكس مفيش حاجة اسمها موهبة التصميم ممكن يعني يكون عنده سنة زيادة او كده ميزته

لكن انت بتقدر بالتدريب وتقدر بمراحل التعلم ان انت تتعلم مثلا الادوات اللازمة تتعلم قواعد التصميم تتعلم ازاي تنسق ألوان، تشتغل كتير، تقلد كتير في البداية بعد كده تبدأ تعمل حاجة اسمها تغذية بصرية 👀 تتفرج كتير تشوف ليه اللون ده مع اللون ده لي حلوين شكلهم كده فدي حاجات مراحل انت مريت بيها

مع الوقت كده هتلاقي نفسك وصلت لمستوى كويس جداً في تنسيق الالوان او في التصميم فدي من ضمن المهارات اللي هيا محتاجة تدريب اكتر منها يعني تقول ان انت موهوب بيها

انا عن نفسي كان عندي نفس النقطة دي أول ما بدأت كنت دايما عندي الالوان بايظة خالص 🙅🏻‍♂️ التصميم طالع شكله مش حلو 😐 وكنت بشوف تصاميم ناس محترفة

لكن الحمد لله مع الوقت ومع الاستمرارية والخطوات اللي قلتها لحضراتكم عليها دي بتلاقي نفسك مستواك بيتحسن واحدة واحدة بتحس ان الموضوع مش موهبة هو او يعني بتحس الموضوع مش سحري ان هو عمل كده وانت مش هتقدر تعمل كده لأ.

مجالات كتيرة جداً برضو غير الجرافيك بيكون التدريب يعني له أثر كبير عن الموهبة خلينا نضرب مثال كرة القدم ⛹️ كم من لاعب مهارته عالية جدا جدا ولكن عدم التزامه وعدم تدريبه المستمر وعدم حاجات كتيرة جدا اصبح اللي هو عنده مثلا ممكن نص موهبته مع التدريب المستمر والاجتهاد عداه وتفوق عليه وأصبح بارز

وعلى ذلك أمثلة كتيرة جداً في الرياضيين بالذات ⛹️ تلاقي الواحد عنده مهارة موهوب بها كدة ولكن مع قلة التدريب وعدم الالتزام والصرامة والكلام ده بتلاقيه بيتنسي

في مهارات كتيرة جداً تقدر بالتدريب وبالاجتهاد ان انت ايه تقدر تحقق وتوصل للي انت عايزه فيها ولكن التدريب ده مش بسهولة 

التدريب بيكون تدريب زيادة عن اللزوم يعني بيسألوا محمد علي كلاي الملاكم الشهير 🥊 انت بتعد كم ضغطة يعني قال لهم بعد ستة سبعة تمانية راح طبعاً المحاور اندهش قاله ازاي؟

قاله أنا ببدأ اعد الستة او السبعة دول بعد ما اكون خلاص انا مش قادر اجيب ولا ضغطة تانية

مثالا بيعد يومياً ألف مثلاً او مية وخلاص مش قادر هو بيبدأ بعد ما خلص شطب بنزين زي ما بيقولوا كده بيبدأ يعد الست او السبعة دول

فالتدريب بيكون تدريب زايد عن الزيادة يعني🤸

فالتدريب والتعب ده طبعاً بيكون على حساب حاجات تانية في حياتك بيكون على حساب وقت راحتك مثلا💆‍♂️

بيكون على حساب وقت اهلك 👨‍👩‍👧‍👦 يكون على حساب صحتك يكون على حساب فلوسك حتى أحيان كتيرة 💰

فالتدريب برضو شيء مش سهل ولكن يحتاج الموضوع اجتهاد وصبر 💪

في النهاية نحب نقول ان انت بالتدريب تقدر توصل لمستوى اعلى من الموهوبين

في مقولة بتقول: بالتدريب الجاد والعمل المستمر تقدر تتخطى الموهوبين في مجالاتهم

بس كده في النهاية هسيبلكم رابط فيديوهين مهمين جداً في النقطة دي

الروابط👇

https://youtu.be/3xpoPaYnn-Q

https://youtu.be/D9bDV5EKatE