هنتكلم عن بعض النصايح للناس اللي حابة تشتغل في الدعاية والإعلان أو بالفعل شغالة في الدعاية والإعلان

سواء نصايح من ناحية التصميم أو نصايح من ناحية تكنيك الشغل أو التعامل

✓ أول كم نصيحة ننصحهم بالنسبة لو أنت راجل مصمم وشغال في الدعاية والإعلان أو حابب تبدأ في المجال ده إن شاء الله

💥 أول نصيحة:-

لما تبدأ تشتغل لازم تعرف إن الحاجة دي طلاما هتنطبع حتى لو ورقة قد كده هتنطبع لازم تكون نظام الألوان فيها

CMYK

مش RGB

لانه لو صممت بنظام الوان مش مناسب للطباعة الالوان هتختلف بعد الطباعة

💥 تاني نصيحة:-

بما إن احنا ذكرنا إن احنا بنبعت صورة للعميل فدي حتة مهمة جداً إن أنتلازم تتابع مع العميل

يعني لازم تاخد التأكيد من العميل على التصميم قبل الطباعة ✓ لأن أنت ممكن بتطبع لوحة عشرين متر في متر هيكون بمبلغ كبير مينفعش تطبعها 🖨️ ✓ لازم تاخد تأكيد من العميل علشان بعد ما ينطبع يقولك مثلاً لأ مكنتش عايز اللون ده مكنتش عايز الرقم ده فتبقى كل شيء واضح وتقوله أكدلي عشان بنعمل طباعة.

💥 النصيحة التالتة:-

مرتبطة باللي فاتت إن أنت تبعت الصورة بجودة أقل للعميل

متبعتلوش الصورة بالجودة بتاعتها الفعلية بحيث ممكن ياخدها يطبع في مكان تاني ويبقى أنت خسرت تعب التصميم

. • حاول تصغر الصورة أفضل نصيحة لكده

تعمل حاجتين في وقت واحد إن أنت تصغر الصورة وتحولها ل rgb

وتحفظها في مكان معين إنك تعمل أكشن

• مثلاً لو أنت شغال بالفوتوشوب أو الاليستريتور تعمل أكشن للكلام ده وكنا عملنا درس قبل كده إزاي تعمل أكشن وتخصص بيه حاجات معينة

رابط الدرس

https://www.youtube.com/watch?v=qhl0YxHCR7A

💥 النصيحة الرابعة:-

• في شغل الطباعة عموماً سواء البروشور فلاير كارت شخصي حتى اللوحات دايما ابعد عن الهوامش حتى في أي شغل غير المطبوعات 👈 حفاظا على إن ممكن اللوحة تنشد فأنت لو عندك كلام مهم ممكن يروح رايح على برة اللوحة نفسها أو في الكارت الشخصي أو كده •

أنت حاطط كلام مهم في الأطراف ممكن مع القص يضيع فدايما ابعد عن الهوامش دايما حاول تستخدم guide line

بحيث إنك تحدد مكان كده خطوط وهمية متروحش عندها

💥 النصيحة الخامسة:-

اللي هي في شغل المطبوعات الصغيرة كده حاول تستخدم نوع خط واضح حاول تستخدم في الأرقام بالذات استخدم الأرقام الصريحة

• يعني لو عندك رقم تليفون استخدم خط صريح ميكونش فيه فزلكة كده عشان يبقى الرقم واضح والعميل ميدعيش عليك بعد كده.

• وكذلك بالنسبة للأرقام راجع الأرقام كويس جداً وابعت للعميل برضو وقوله اعتمد التصميم وراجع الأرقام كويس.

💥 النصيحة السادسة:-

✓ احفظ شغلك باستمرار أنت لو شغال …عشان ممكن تنسى نفسك وتسرح وتعمل شغل كتير ومثلا يحصل أيا كان البرنامج يهنج يحصل كهربا قطعت احفظ شغلك باستمرار.

• تاني حاجة بالنسبة للحفظ إن أنت احفظ الملف اللي أنت شغال عليه باسم معروف أو اسم يسهل عليك بعد كده في البحث مثلاً تعمل رول اب اكتب لما تيجي تحفظ الملف كفوتوشوب رول اب مثلاً مدرسة كده كده الموضوع عن الأخلاق مثلاً يعني •

بحيث لما تيجي تبحث لو عندك شغل كتير في الجهاز ومستعجل عايز التصميم ده تعدل عليه أو عايز تاخد منه حاجة بتكتب رول اب بيظهرلك كل الرول اب بيكتب مدرسة بيظهرلك الحاجات اللي ليها علاقة بالمدرسة تكتب الموضوع يظهرلك وهكذا.

💥 النصيحة السابعة:-

الحاجات اللي بتستخدمها باستمرار زي مثلا ايقون الاتصال الحاجات السوشيال ميديا ماتريال بستخدمها باستمرار دي حاول تحفظها في ملف لوحدها منفصل كده • بحيث مش كل مرة عايز تعمل تصميم تروح على جوجل وتدور عليها وتنزلها أو تدور على التصميم لأ دايما خليها في ملف لوحدها كده

💥 النصيحة الثامنة:-

اللي هيا لما تبعت شغلك للعميل حاول تبعته بشكل موك اب

واتكلمنا في مقالة قبل كده عن الموك اب اطلع عليها من هنا

https://sonidesigner.com/article9/

💥 النصيحة التاسعة:-

الصور

حاول تختار صور جودتها عالية بحيث لو أنت شغال على مقاس كبير أو تصميم كبير ما يحصلش بكسلة ودغبشة فحاول قدر الإمكان تختار صور جودتها عالية

⚠️ النصيحة اللي بعد كده

حاول ما تستخدمش صور بنات أو نساء أو حاجات زي كده في التصاميم علشان ما تاخدش أنت ذنب

💥 النصيحة اللي بعد كده

اللي هي كبر اسم المحل أو اسم النشاط حاول تكبره بخط واضح أغلب العملاء يحبوا كدا حسب السوق اللي أنت شغال فيه طبعاً يعني لو سوق شعبي وناس بروفيشنال بتفرق بس في الغالب بيحبوا الاسم كبير

💥 والنصيحة اللي بعد كده

حاول تحط اسم الشركة بتاعتك أو اللوجو بتاعك لو أنت شغال في الشركة حط لوجو الشركة في ركن اللوحة كده ركن التصميم بحيث يجيلك عملاء أكتر وهكذا

★ ونيجي كده كم نصيحة أخيرة عشان منطولش عليك 💥

بالنسبة لتعديلات العميل العميل اللي بيطلب تعديل اوكي عدله مرة تمام مباشرة لو طلب بعد كده و لقيته طلب تاني خلاص أجله شوية

لأن العميل اللي بيشوفك بتعدله علطول بيقول ده فاضي والموضوع سهل فتلاقيه بيشتغل عليك عدلي عدلي عدلي

فأنت دايما اللي بتلاقيه بيعدل كتير أجله ما تعدلوش مباشرة

💥 و نصيحة

حاول تشتغل في مكان لو أنت ما اشتغلتش يعني خالص حاول تشتغل في مكان يكون الدنيا منظمة فيه بمعنى يكون أنت مختص بالتصميم فقط

مش أنت بتستقبل الشغل وبتحاسب والكلام ده.

أنا الحمد لله المكان اللي اشتغلت فيه كنت مختص بالتصميم بس كنت أحيانا بساعد في شغل الطباعة وبعض الأشغال أحيانا لكن كان شغل التصميم بس هو تركيزي عليه.

✓ فحاول تشتغل في مكان زي كده مينفعش تبقى بتصمم وتقوم تروح تطبع بعد كده تروح تحاسب ومش عارف تعمل ايه وتتابع مع العمال لو بيركبوا ما ينفعش الكلام ده.

⚠️ الملاحظة اللي بعد كده

متاخدش شغل من ورا الشركة بتاعتك علشان لو عميل معين جاي على اسم المكان أو اسم الشركة اللي أنت شغال فيه فمينفعش تاخد الشغل الخاص بالشركة حتى لو هتعمله في البيت

💥 النصيحة اللي بعد كده

سجل مواعيد تسليم الشغل

لأن ال deadline

ما بيرحمش

أنت مثلا عندك تسليم تصميم النهاردة لازم هتسلمه أو حاجة تنطبع النهاردة أو أو أو فحاول تسجل مواعيد الحاجات دي علشان متحصلش مشاكل معاك في الشغل

بس كده واتمنالكم كل التوفيق 🤩