هنتكلم عن مصادر مختلفة زائد هنعرفك على بعض المواقع اللي ممكن تساعدك في كده
خلينا أولا نتفق إنه عشان تنوع من مصادر دخلك كمصمم لازم يكون عندك بعض النقاط المهمة
👈 أول حاجة يكون مستواك كويس في التصميم أو في المهارة اللي بتتقنها أيا كانت المهارة دي لازم تكون متخصص فيها مستواك كويس فيها
👈 تاني حاجة بعض المصادر اللي هنذكرها يحتاج يكون عندك الصبر وعدم اليأس من تكرار المحاولات
👈 تالت حاجة يحتاج إنك تكون نشيط أو يعني إنتاجك غزير في الأعمال وفي التصاميم
الكلام ده هيتضح بعد ما نبدأ نشرح إن شاء الله

خلينا نبدأ بأول مصدر اللي هو
💥(التصميم بمقابل للعميل )
_ وده أنت بتكون محدد فيه شغل معين بتعمله في وقت معين بمقابل معين بتنفذ الشغل وبتسلم الشغل للعميل وتستلم المقابل💰
_ هنا في الغالب بيكون مصدر دخلك الأساسي أو مصدر الدخل اللي بتبدأ بيه معتمد عليه
_ ولكن مشكلة المصدر ده إنه معتمد عليك أنت بمعنى إنك بتنفذه بنفسك مع إنك لو تعبان لفترة أو عندك مشكلة الشغل ده هيعطل معاك🤒

تاني مصدر معانا اللي هو
💥(الوساطة في العمل) أو (إنك بتكون قائد لفريق)
_ بحيث إن أنت مثلاً لو عندك قاعدة عملاء كبيرة وبيجيلك أكتر من عميل وأنت مثلا مشغول في الفترة الحالية أو حتى لو مش مشغول
_ تقدر تاخد الشغل ده بمبلغ معين وتشوف مصمم تاني بينفذه بمبلغ أقل وأنت بتاخد يعني فرق السعر
_ كأنك سمسار أو كأنك وسيط في العمل ده بس الجزئية دي معتمدة دايما على إيه على عدد العملاء اللي أنت بتتعاون معاهم
_ وكذلك على علاقاتك مع زملائك في المهنة والمصممين والكلام ده بيحتاج إن أنت تكون علاقاتك أو دايرة علاقاتك واسعة متبقاش يعني منغلق على نفسك زي حالاتي كده مثلاً 👬👫

تالت مصدر معانا اللي هي
💥 (مواقع بيع تصاميم )
_ معلش خلينا نطول في النقطة دي علشان هنستفيض فيها لأنها من أهم المصادر
_ المصدر ده بعتبره من أفضل وأصعب المصادر في نفس الوقت أفضلها عشان أنت بتنتج أو بتصمم حاجات تسمى ايه؟ الدخل السلبي
_ أنت بتعمل حاجة وتعبت فيها لأول مرة وطلعتها بشكل حلو وعرضتها على المواقع دي خلاص بتبدأ المفترض تجيبلك ربح أنت مش هتشتغل فيها تاني يعني 🧑‍💻
_ وبردو بعتبره أفضل مصدر إن أنت فيها بتشتغل بمزاجك أنت مفيش عميل بيعدل عليك لا أنت شايف الشغل بوجهة نظر معينة تقدر تعمل اللي أنت عايزه ب استايل معين بالشكل اللي أنت عايزه وبترفعه
_ طيب الفكرة ببساطة إن في مواقع مخصصة لبيع التصاميم على شكل قالب جاهزة أنت فقط بترفع فيها شغلك وتصاميمك وكل مرة تحميل من حد من خلال الموقع ده الموقع بيديك نسبة معينة
✓ طيب ليه أنا بعتبر المصدر ده برضو مصدر صعب؟
_ علشان زي ما قلنا كده يحتاج الموضوع يعني في البداية شوية صبر منك 💆
_ أحياناً تيجي ترفع تصاميمك أو شغلك المواقع دي بيكون ليها شروط معينة وحاجات هي مش معقدة ولكنها صعبة
_ بحيث إن اللي بيدخل على الموقع بتاعهم حابب إنه ياخد حاجة مستوى quality معين فعشان كده بيصعبوا الحاجات دي فأنت لازم يكون عندك صبر وتحمل و تكرر محاولاتك باستمرار لحد ما يتقبل الشغل بتاعك في الموقع ده
_ وكذلك في البداية بتكون مبيعاتك قليلة وبتحتاج كذلك إن يكون عندك زي ما قلنا كده غزارة في الإنتاج وتعمل شغل كتير علشان ده بينتج في النهاية إنه بيديك هامش ربح كويس
بتجمع ايه؟

✓ نسبة قليلة على نسبة عالية يديك هامش ربح كويس💰
_ وبتحتاج برضه إنك تعمل استهداف مستمر للمناسبات مثلاً في رمضان في عيد بتعمل تصاميم أو شغل مناسب مع المناسبات دي فبيتباع في وقتها بشكل أفضل يعني
⚠️ وفي النقطة دي وجب التنبيه إنه تستهدف حاجات يعني مش مخالفة لشريعتك
(مثلا كمسلم) زي حاجة زي الكريسماس أو الفلانتين أو أيا كان يعني فحبيت أنبه على النقطة دي يعني
✨ طب نيجي لنقطة مهمة اللي هي إيه المواقع دي وإيه الحاجات اللي ممكن أنشرها عليها أو أبيعها عليها؟
ده رابط كده لمقالة فيها أكثر من عشرين موقع لبيع التصاميم عليها
ـ👈 https://bit.ly/30HvxeK

ولكن في مواقع أنا جربتها زي :–
انڤاتو https://www.envato.com/
فري بيك https://contributor.freepik.com](https://contributor.freepik.com/
شترستوك https://submit.shutterstock.com/
أيكون فايندرhttps://www.iconfinder.com/

وكنا شرحنا في playlist مخصوص بالكلام ده شرحنا موقع شتر ستوك موقع فري بيك إزاي ترفع شغلك عليهم
رابط البلاي ليست👇
ـ https://bit.ly/3aJdEWF

✓ طيب إيه اللي ممكن أقدمه على مواقع زي دي؟
• تقدر تقدم قوالب تصميمات السوشيال ميديا
• تقدم قوالب تحاريك الشعارات
• رسومات بأنواعها رسومات الفلات ديزاينر الفيكتور
• الصور لو انت فوتوجرافر صور للمنتجات صور للموديلز للأشخاص
• تصميم الأيقونات تصميم الخطوط حاجات كتيرة جداً
• تصميم المطبوعات
• لو اتكلم عن مجالات تانية عندك تصميم الساوند ديزاين الساوند ايفيكت تصميمات الإليميتس أو الموديل
• كمان تقدر تعمل تصاميم على تيشرتات وتبيعها على موقع ميرش باي أمازون شغل البرمجة حاجات كتيرة جداً تقدر تقدمها على المواقع دي

المصدر الرابع💥 ( التدريب)

_ إنك تدرب حد معين بس ده بيشترط إن أنت بتكون عندك إتقان في المهارة دي بحيث إنك لما تدرب حد تبقى أنت صاحب كفاءة
_ طبعا أنت لو حد سألك أو استشارك في أي نقطة وتقدر ترد عليه بكل سهولة طبعاً تعاون ولك الأجر إن شاء الله

_ لكن أنا بتكلم في نقطة ان واحد مثلاً عايز يعمل تشرحله تصميم تشرحله برنامج تشرحله أي حاجة معينة هتاخد منك ساعات تاخد منك وقت كبير

_ في الحالة دي أنت من حقك طبعاً إنك تتقاضى أجر مقابل الكلام ده طبعاً زي ما قولنا كده يشترط في النقطة دي برضو

✓ يكون ليك انتشار على السوشيال ميديا
✓ وناشر شغلك فالناس عارفة إن شغلك كويس فلما تعرض إن أنت بتدرب أي حد تقدر إنك تلاقي ناس تيجيلك وتدربها
✓ طبعا تقدر تدرب عن طريق مثلاً زي الزوم إن أنت زي meeting كده مع الشخص اللي بتدربه عن طريق الزوم
✓ كذلك لو متاح أنت في مدينة أو في مكان في تجمعات إدارة أوف لاين اللي هو في مراكز التدريب وحاجات زي كده يعني

👈 فزي ما قلنا كده المصدر ده يحتاج إنك تكون
( صاحب مهارة عالية + إن أنت يكون ليك علاقات كبيرة ونشط على السوشيال ميديا )

 المصدر الخامس
💥( التسويق بالعمولة )

_ التسويق بالعمولة اللي هو مثلاً في موقع معين بيقدم مثلاً برامج الجرافيك فليكن موقع أدوبي موجود بالفعل كده

_ موقع أدوبي فيه برامج الجرافيك أنت ممكن بتنصح الناس بالبرامج دي وبتاخد رابط حاجة اسمها رابط إحالة أو رابط ايفلييت أو رابط التسويق بالعمولة

_ ولما حد يشترك في البرامج دي مثلاً من خلال الرابط بتاعك أنت بتاخد نسبة من الإشتراك
✓ مثلاً الاشتراك بمية دولار مثلاً ليك عشرين في المية بتاخد عشرين دولار من كل شخص اشترك مثلاً يعني

✓ فكذلك تقدر تسوق بالعمولة لحاجات كتيرة جداً تسوق للمواقع بتاعة الاستوكس اللي هي ستوك فيديو والمؤثرات والاليمنتس والحاجات دي