انا أتنصب عليه !😭
    
 مش انا الحمد لله - بس ده عنوان تشويقي لكنه حقيقي  🤣
    
احيانا بتجيلنا رسايل من المصممين انه العميل استلم الشغل ومدفعش مقابل
    
- اسمحلي اقولك انت اللي غلطان
  :اتفضل 😪
 -انت اللي غلطان 🤣
    
 الحالة الوحيدة اللي متاخدش فيها عربون في شغلك هي انك لسة بادي التصميم وحابب تتطبق اكتر
 وتحط نماذج شغل اكتر في معرض اعمالك ومش فارق معاك ان العميل يدفع او لا
    
لكن بمجرد انك خلاص عرفت واتعلمت وبتقدم قيمة يبقى لازم تاخد مقابل ✅
وصدقني العميل الفعلي اللي عايز يشتغل هيدفع
    
طيب خلينا نتكلم من وجه نظر العميل 👇
ليه انا كعميل مش عايز ادفع ؟
    
1- خايف انك تاخد عربون ومتشتغلش
2-خايف انك تتاخر في ميعاد التسليم
3-خايف من مستوى الشغل اللي هتقدمهولي
    
- فانت حاول تشيل المخاوف دي من دماغه بانك تعرض عليه شغلك السابق  😍
- وتكون عامل زي تصميم بسيط كتابي كعقد مثلا فيه بعض النقاط الخاصة بشغلك

(زي موعد تسليم الشغل و التكلفة واي ملاحظات خاصة بشغلك)

 عشان تحسسه انك منظم ومهتم بالشغل فعلا

فالخلاصة متشتغلش بدون عربون 👈