ما هو الجهاز المناسب للموشن جرافيك🤔

لو عايز تدخل مجال الموشن جرافيك ومش عارف تجيب بي سي ولا لابتوب ومش عارف تجيب جهاز امكانياته ايه
وايه الرامات وايه الحاجات دي
كل الحاجات دي ان شاء الله هنتكلم عنها في هذا المقال
ولكن حابب أنوه قبل ما نبدأ ان انا مش ضليع قوي في موضوع الهارد وير والكمبيوتر واللابتوبات
ولكن هتكلم بناء عن تجاربي الشخصية مع اكتر من جهاز ويلا بنا

السلام عليكم ورحمة الله وبركاته
أهلا بكم يا شباب والنهارده هنتكلم عن اللابتوب او الجهاز أو امكانيات اللابتوب او امكانيات الجهاز المناسبة لشغل الموشن جرافيك
⚡ طيب مبدئيا كده هنتكلم هل وانا ناوي أجيب جهاز اجيب لاب توب ولا اجيب بي سي او كمبيوتر؟🤔
أكيد طبعاً بدون فصال في شغل الموشن او شغل الجرافيك عموما والثري دي والمونتاج والحاجات دي البي سي او جهاز الكمبيوتر أفضل بكتير من اللاب توب 👌😲
وده لاسباب كتيرة أهمها كثافة الجهاز نفسه يقدر يكون فيه اكتر من مروحة والإمكانيات بتكون اقوى بكتير
لكن اللابتوب هم بيراعوا ان هيعملك جهاز صغير فبتلاقيه بيقلل ممكن في الكواليتي بتاعة بعض الحاجات
ففي اغلب الأحيان بيكون جهاز الكمبيوتر أفضل من اللابتوب
مبدئياً كده قبل ما نتكلم عن الامكانيات المناسبة للموشن جرافيك لو انت ناويت مثلاً تجيب لاب توب واخترت تجيب لاب توب
راعي حاجتين معينين✌️
راعي حجم الشاشة يكون على الاقل اللي هو خمستاشر وستة من عشرة أو سبعتاشر يفضل طبعاً ولكن هيكون غالي شوية
ابعد طبعاً تماماً عن اللي هو حجم الشاشة تلتاشر هتلاقي سعره قليل ممكن لكن حجم الشاشة مش هيساعدك خالص في شغل الجرافيك عموماً لانه محتاج تركيز وكدا
بالإضافة لو انت هتجيب مثلاً لابتوب شاشته صغيرة تلاتاشر لازم تثبت مكان
وتجيب شاشة كبيرة مثلاً اللي هي lcd او شاشة الdell او الحاجات دي أو اي نوع ايا كان اللي هي توصلها باللاب توب
عشان تقدر تشتغل كتير عشان متتعبش لان الشاشة الصغيرة هتتعبك جداً أثناء الشغل
⚡ نيجي بقى للحاجة اللي هي ايه الامكانيات أنا مش هتكلم لان انا مش ضليع في الموضوع بشكل كبير خالص
ولكن هتكلم عن تجربتين ليا فأنا جربت جهازين واشتغلت بيهم نفس البرامج تقريباً فأنا هقول تجربتي مع الامكانيات
مبدئياً كدا النوع مش هيفرق كتير سواء الاتش دي أو الديل أو اي نوع مش هيفرق كتير بشكل كبير
اهم حاجة الامكانيات اللي أنا هتكلم عنها فالجهازين اللي أنا جربتهم
✔️ الجهاز الأول هو كان امكانياته او الفئة السعرية بتاعته كانت في حدود خمسمية دولار تقريباً اللي هو تمنتلاف جنيه أو الفين ريال سعودي تقريباً كده
• ‏كانت الإمكانيات كالتالي كانت الرامات أربعة وكان الهارد خمسمية جيجا اتش دي دي وكان كور اي فايف و مش فاكر الرامات او كارت الشاشة مش فاكر كان نوعه ايه بس غالباً انتيل
• ‏ امكانياته كانت ايه؟ كان بيشغل معايا الافتر ايفيكت مفيش مشكلة تمام بيشغل افتر ايفيكت كنت بشغل عليه إصدار بشغل عليه اصدار قديم اللي هو cs5 يعني حاجة قديمة جداً
• ‏وكان صعب جداً نشغل التلات برامج مع بعض اللي هم الاستريتور مثلاً او الفوتشوب أو الافتر ايفيكت كان صعب اشتغل البرامج دي مع بعض
• ‏ولكن كان بيفي بالغرض بالنسبة للفئة السعرية اللي هو فيها او بالنسبة لسعره عموما
• ‏دا الجهاز الاول اللي انا جربه ودي أعتقد أقل إمكانيات ممكن تشغل معك الموشن جرافيك اللي هي رامات اربعة وهارد خمسمية جيجا وكور اي فايف
• ‏يعني دي أقل من كده تشتغل معاك في الموشن
• ‏كور اي ثري ورامات اتنين هتشغل معاك ممكن الفوتوشوب والاستريتور
• ‏لكن هيكون برضه الأداء يعني صعب شوية فدي لو انت حابب تجيب جهاز دي أقل إمكانيات تجيبها لك

✔️ أما بالنسبة لتجربتي التانية مع الجهاز الحالي اللي هو ده اللي هو نوعه اتش بي
• زي ما قلنا النوع مش هيفرق كتير
• الفئة السعرية عموماً ألف دولار يعني تقريباً ستاشر ألف جنيه أو تمنتلاف ريال سعودي فقط
• ‏بالنسبة للامكانيات بتاعته اللي هي رامات ستاشر والهارد اتنين هارد واحد تيرا hdd وواحد ssd اللي هو مية تمانية وعشرين جيجا
• ‏وبالنسبة لكارت الشاشة كارت الشاشة نيفيديا جي تي اكس الف وخمسين وكور اي سيڤن الجيل التامن أنا حفظتهم بالعافية اصلا😅
• ‏طيب هل الإمكانيات الحالية اللي هو الجهاز الحالي معايا بيشغل ايه؟
• ‏ الحمد لله يعني ما شاء الله لا قوة الا بالله قل أعوذ برب الفلق😂 بيشتغل معنا افتر ايفيكت
• ‏يعني في أثناء نفس الوقت ممكن يشغل افتر ايفيكت وممكن يشغل ثري وفور دي ويشغل بريميير
• ‏يعني يشغل تقريباً جميع برامج الجرافيك بيشتغلوا مع بعض الحمد لله ما شاء الله ربنا يستر على الجهاز 😂
• ‏بيشغلهم كلهم مع بعض مفيش مشكلة يعني حتى أنا مثلاً بعمل المونتاج وبروح أربطه بالافتر ايفيكت أعمل شغل في افتر ايفيكت وارجعه على البريميير تاني
وبعد كده مش عارف أدخله في الادوبي اوديشن
• يعني بستخدم جميع البرامج مع بعض يعني الحمد لله لحد دلوقتي مفيش مشكلة فهو إمكانياته كويسة
• ‏يعتبر دي برضو مش أعلى فئة يعني في حاجات أعلى من كده في كور اي ناين وفي الحاجات اللي هي الوورك استيشن برضو إمكانياتها عالية جداً
• ‏ولكن دي كفئة يعني فوق المتوسط

⚡ الخلاصة إن انت لو عايز تخش مجال الموشن جرافيك أو مجال الجرافيك عموماً محتاج تشتري كمبيوتر ولا لابتوب
وطبعاً كمبيوتر أو بي سي أفضل من اللاب توب طالما أنت مش هتتنقل كتير
⚡ تاني حاجة الفئات السعرية زي ما قلنا كده بالنسبالي جربت حاجتين أو فئتين سعريتين يعتبر حاجة والضعف بتاعها
اللي هو قلتلكم عليه اللي هو بخمسيت دولار والتاني اللي هو تقريباً بألف دولار
فأنت برضه شوف حسب ميزانيتك
⚡وممكن حاجة أخيرة برضه اللي هو أجيب كارت شاشة نيفيديا gtx ولا اي ام دي
أنا أعتقد عن تجربتي حسب ما بحثت قبل ما اشتري الجهاز أعتقد gtx أفضل بكتير
برضو زي ما قلتلكم كده في الحلقة أنا مش خبير قوي في الموضوع ولكن دي عن تجارب شخصية
بعني الجهاز الحالي اللي معايا كويس جداً واللي جربته المرة اللي فاتت كان كويس بالنسبة لسعره يعني واني بدأت بيه
ويفضل انك لو تشتري أو عندك جهاز امكانياته قليلة شوية تشغل عليه اصدارات اقدم شوية سواء في اي برنامج من البرامج
والسلام عليكم ورحمة الله وبركاته