★ لو انت بتعرف تشتغل على برنامج الفوتوشوب كويس

وعايز تدخل مجال الموشن جرافيك فالمقال ده ليك

*لإن أنت مش شرط تتعلم الاليستريتور عشان تدخل الموشن جرافيك

★ برنامج الفوتوشوب كافي جداً إن شاء الله إنه يدخلك في مجال الموشن جرافيك وبقوة.

وده اللي إن شاء الله هنعرفه في المقالة دي يلا بينا

✓ في المقال ده هنقولك إن تعلمك للفوتوشوب كافي

و هنتكلم عن الأسباب إن أنت تتعلم الفوتوشوب المميزات

وكذلك ليه الناس بتقولك روح اتعلم اليستريتور بلاش فوتوشوب 👈 هنشوف ليه الناس بتقول كده والحلول بتاعة الحاجات دي

مبدئيا كده نجيب الموضوع من أوله

.. أنا ايه لازمة البرامج دي؟ ايه لازمة الفوتوشوب أو الاليستريتور؟

لان انت عايز تتعلم موشن جرافيك بنحتاج في الغالب برنامج افترافكتس عشان تشتغل بيه موشن جرافيك

وبنحتاج برنامج تاني عشان نعمل بيه الرسومات ونجهزها وندخلها نحركها عشان نرسمها ونفككها وهكذا

. البرامج دي اما اليستريتور أو فوتوشوب ده في الغالب ولكن عاوز أقول مبدئياً كده أنت ممكن ترسم بأي برنامج في الدنيا ✓

أهم حاجة تكون عارف الكونسيبت وعارف الاستايل إزاي اللي أنت ماشي عليه وأهم حاجة تطلع النتيجة النهائية شكل حلو.

هو المتعارف عليه إن برنامج الاستريتور الأشهر إن أنت تتعلمه أو الأشهر الناس بتستخدمه أو أغلبية الناس بتستخدمه في الرسم للموشن جرافيك

ولكن أعرف ناس محترفين ما شاء الله شغلهم ممتاز بيشتغلوا شغلهم كله بالفوتوشوب فمفيش أي مشكلة في النقطة دي

💥 طيب نيجي لايه الأسباب اللي بتخلي الناس ترجح الاليستريتور للرسم بدل الفوتوشوب؟ وايه الحلول بتاعتها في الفوتوشوب؟

👈 ( أول سبب )

الناس بترشحلك تتعلم اليستريتور وبتقولك لا أتعلم اليستريتور عشان شغل الموشن جرافيك علشان الرسومات الجاهزة

• يعني في مواقع زي فري بيك بتقدم رسومات مجانية كتير معمولة بالالستريتور أو حتى رسومات مدفوعة يعني سواء على فري بيك أو شتر ستوك وأي مواقع أخرى

بس أنت لو عايز تتعلم الرسم فعلا عايز ترسم بنفسك ما تعتمدش على شيء جاهز خلاص مش هتحتاج الكلام ده.

• ولكن أنت ممكن في بداية طريقك وبتعلمك للموشن جرافيك عايز تجيب رسومات جاهزة وتمشي شغل السوق زي ما بيقولوا كده فبتضطر إنك تعتمد على الرسومات دي.

✓ حل المسألة دي بسيط جداً إن أنت ممكن بتحمل الرسمة اللي أنت عايزها وتقدر تفتحها في الاستريتور وتصدرها للفوتوشوب في نظام ليرات وتقدر تعدل عليها هناك

👈( السبب التاني )

اللي الناس بترشحلك الاليستريتور بدل الفوتوشوب لان الاليسترتور ف ينظام الارت بورد يعني انت تقدر تفتح اكتر من مشهد مع بعض في مشروع واحد وده برضوا موجود حاليا في الفوتوشوب

👈( السبب التالت )

إن الناس بترشح إنك تتعلم الاليستريتور لانه يعتمد على نظام الڤيكتور إن أنت مهما تكبر في الصورة كده أو تكبر في الرسمة مبيحصلش فيها بكسلة غير الفوتوشوب ✓ ودي برضو حلها بسيط إن أنت في الفوتوشوب ترسم كل رسوماتك بنظام الشيب متخترش البيكسل إنك

وفيه برضو تريكة حلوة

إنك تكبر الملف ضعف مثلاً 1920 في1080 بيكسل تضرب ده في اتنين وده في اتنين انت كده تبقى معاك المساحة كبيرة

💥 طيب نيجي للجزء الأهم

اللي هي ايه الحاجات اللي تميز الفوتوشوب عن الاليستريتور في الرسم للموشن جرافيك؟

(أول ميزة) •

إنك تقدر تستخدم فيه فرش واستايلات وشوية شغل كده صعب تلاقيهم في الاليستريتور أو صعب تنفذه في الاليستريتور زي نظام مثلاً فرشة معينة بتديك تدرج في حتة معينة تغمق في حتة معينة

( الميزة التانية) •

طبعاً لو شغال على فيديوهات فيها صور زي نظام في فيديوهات بيسموها فيديوهات الكولاج فيها صور مع أشكال مع الحاجات دي طبعا بيكون تنفيذها مرهق جداً في الاليستريتور •

لكن في الفوتوشوب لأنه متخصص في التعامل مع الصور بيكون الموضوع يعني أسهل جداً فدي ميزة قوية جداً في الفوتوشوب

(الميزة التالتة) •

أهم ميزة في الموضوع ده وميزة رهيبة جداً إن هي أنت لو منظم شغلك في الفوتوشوب في جروبات مثلا أنت عندك شكل معين حاطه في جروب في الملف بتاعك

وبتصدره للافترافكتس بتلاقي الجروبات اصبحت كومبيزيشن في الافترافكتس

👈 بس ده كان موضوع المقال

حبينا نوضح المميزات الموجودة في انك ترسم بالفوتوشوب

بالعكس ده فيه مميزات كمان قوية عن الاليستريتور

ولكن يظل الاستريتور برضو له طبعه الخاص وناس بتحب تستخدمه في سهولة في الاستخدام في بعض الحاجات

👈 فلكل برنامج له مميزات

فالفكرة إن أنت لو بتعرف فوتوشوب مش شرط تروح تتعلم اليستريتور علشان تشتغل يكفي الفوتوشوب جدا

تقدر تطلع بشغل حلو طالما تقدر تشتغل عليه

وفهمت الكونسيبت

وفهمت الاستايل اللي أنت عايز ترسمه وعايز ترسم الاستايل الفلات فأنت عارف بتعمل ايه💯

وشوف الفيديو ده بيتكلم عن نفس الموضوع مع شرح على البرامج

https://www.youtube.com/watch?v=6pyF1peiGyA

بس كده واتمنالكم كل التوفيق