التعليق الصوتي للموشن جرافيك

تلت نقاط مهمين جداً هنتكلم عليهم النهاردة

☑️ ازاي لو انا عايز اتدرب على فيديو موشن جرافيك وعايز اعمل تعليق صوتي لنفسي ايه الحاجات اللي أراعيها وأنا بعمل تعليق؟

☑️ وازاي لو عايز انا أشتغل فيديو احترافي واجيب معلق احترافي ازاي أوصل للمعلق محترف؟

☑️ تالت حاجة الحاجات اللي براعيها اثناء ان انا بتفق مع العميل او بتفق مع المعلق الصوتي؟

كل الحاجات دي بتتكلم عنها النهاردة هنتكلم النهاردة ان شاء الله التعليق الصوتي وكنا عملنا حلقة قبل كده عن التعليق الصوتي مع ياسر أحمد حلقة مهمة جداً فيها يعني حاجات كتيرة جدا للي عايز يتعلم تعليق الصوت وعايز يحترف الموضوع

لكن النهاردة هنتكلم بشكل عام عن التلت نقاط اللي ذكرناهم في المقدمة ويلا بنا نبدأ

☑️ اول نقطة اللي هي لو انا عايز اعمل فيديو موشن زي ما قلنا كتدريب عايز اعمل فيديو موشن جرافيك عشان اتدرب عليه

فمش هينفع اجيب مثلاً المعلق محترف وانا لسه بعمل حاجة غير رسمية فقلنا ان انت ممكن تعمل انت اسكريبت وتعلق بنفسك 🔊 فدلوقتي هنتكلم عن بعض النقاط اللي تراعيها لو انت هتعمل او انت اللي هتعلق على الفيديو بنفسك

طبعاً انت كتبت الاسكريبت لنفسك خلاص زي ما اتفقنا قبل كده وجاي دلوقتي تعلق أربع حاجات او اربع عوامل تراعيهم عشان تحسن من جودة الموضوع

✔️ اولا نوع المايك🎙️

أنت ممكن طبعا أقل امكانية انك تسجل بمايك التليفون السماعة العادية دي الهيدفون تسجل بها عادي جدا لكن فيه مايك تاني رخيص جدا اسمه مايك بويا ده رخيص وبيطلع جودة الصوت مش واو يعني لكن بيطلعها جودة الصوت كويس ممكن تلاقوه على سوق كوم طيب يبقى النوع المايك مش شرط تجيب حاجة واو واحترافية لكن ممكن تجيب ده يسجل معاك جودة صوت نقية شوية

✔️ طيب تاني حاجة انك تكون مقفل المكان اللي انت هتسجل

يعني تقفل باب الاوضة وتقفل المراوح وتقفل الستاير تحاول تخلي الدنيا هادية شوية دي تاني حاجة

✔️ تالت حاجة انك مش شرط تسجل المقطع كله مرة واحدة

يعني مش شرط تجيب اسكريبت كده وتقرؤه كدا وتلاقي نفسك بتاخد نفسك وبتاع لأ انت انت اقرأ الجملة وخد نفسك كده واقرأ الجملة التانية وهكذا بس حاول تحافظ على نفس الرتم اللي انت بتعلق بيه

ثم بتيجي بأي برنامج صوت او حتى بأفتر ايفيكت تقص الوقفات اللي انت وقفتها دي

 ✔️ رابع حاجة ودي حاجة مهمة جداً اللي هي لو انت بتسجل عندك دوشة معينة عايز تتخلص منها

فانت بتبدأ تدوس على بلاي تدوس على التسجيل مثلاً أيا كان بتسجل على التليفون ولا اي حاجة وتستنى شوية أول خمس ثواني مثلا ما تتكلمش فيهم بحيث ان انت بتسجل صوت الدوشة بعد كده تبدأ تتكلم عادي وبتيجي بأي برنامج مثلاً برنامج ادوبي اوديشن مثلاً مثلاً عندنا جزء مثلاً كنت ساكت فيه وفيه دوشة مثلاً بتحدد الجزء مثلاً اللي فيه دوشة اللي انت سكت فيه وتختار cut noise وبعد كده بتروح على effects وتحاول تسحب كدا وتخليه كله اخضر على بعضه يعني ما تخليش حاجة أصفر تظهر بقدر الامكان كذلك تقدر تدوس بلاي هنا وتسمع الصوت بتاعك لو كان اوكيه بتروح دايس اوكيه بس المفترض انت بتحدد المقطع الصوتي كده تعمل اهو بتدوس كنترول ايه وتدوس ابلاي بيقرأ البرنامج ان انت حددتله الدوشة اللي هنا شيلهالي من كل المقطع

بس كده فدي كانت النصيحة اللي هي ازاي اتخلص من الدوشة طيب دي كانت النقطة اللي هي لو انت هتسجل اي الحاجات اللي تراعيها أثناء التسجيل كتدريب أنا مش بتكلم انت راجل محترف تعليق صوتي لا انت بتسجل المقطع عشان تتدرب عليه بصوتك

☑️ طيب نيجي للنقطة التانية اللي هي ايه الحاجات اللي أنا أراعيها وانا بتفق مع العميل وبتفق مع المعلق

✔️ مبدئياً انت بتتفق مع العميل بتكون من ضمن الاسئلة اللي بتسألها العميل عن المعلق الصوتي

قوله عايز صوت رجل ولا ولا ست في الاسكريبت تشوف لو في اكتر من معلق برضو وبتعرض عليه عينات صوتية للناس اللي انت هتجيبهم يعملوه للفيديو ده أو لو هو جابلك المقطع الصوتي جاهز فاحنا خلاص كده تجاوزنا المشكلة دي

بتسأله عن اللهجة يعني اللهجة لغة عربية فصحى ولا لهجة مصرية ولا لهجة خليجية حتى لو خليجية اي دولة معينة عشان في نطق يختلف طبعا وكذلك لو الاسكريبت فيه مثلاً مدينة معينة او قرية معينة

خلي العميل والعميل أكيد أدرى يسجلك خلي العميل يسجلك صوت بكيفية نطق اسم القرية دي فدي النقاط اللي انت بتراعيها مع العميل

✔️ طيب مع المعلق الصوتي🔊

مع المعلق الصوتي بتحاول تنقله الكلام اللي قالهولك العميل وتحاول يعني تتفقوا على رتم الفيديو هيكون ازاي سريع بطيء ‏يعني

زي ما قلنا احنا قبل كده ان التعليق الصوتي بيقدر يغيرلك مسار الفيديو بشكل كبير

‏ ‏☑️ نيجي لنقطة تالتة والأخيرة في حلقة اليوم اللي هي منين الاقي او فين الاقي معلق صوتي🤔

‏المعلقين الصوتيين مبدئياً كده برضو هتكلم في نقطة الأسعار بتاعتهم بيختلفوا الأسعار بتتفاوت حسب كل معلق صوتي في عدة عوامل

تحكم السعر ده اللي هي مثلاً الاجهزة اللي بيستخدمها موهبته وخبرته واحترافيته وحاجات كتيرة جداً منين الاقي معلق صوتي؟

ممكن زي ما قلنا قبل كده في منين ألاقي اسكريبت رايتر برضه نفس الفكرة انك من عن طريق مواقع التواصل عموماً أو عن طريق مواقع العمل الحر ممكن تلاقي معلقين صوتيين

وبس كده اتكلمنا النهاردة عن التعليق الصوتي للموشن جرافيك واتكلمنا عن نقاط اتمنى تكونوا استفدتم منها

والسلام عليكم ورحمة الله وبركاته