‏حابب اشاركم مقال النهاردة في اربع نقاط اللي هم ‏✔️

انا ازاي اتعلمت رسم الموشن جرافيك؟

وايه اللي استفادته؟

وليه اتعلمت رسم الموشن ده؟

‏وهل لازم انت تتعلم الرسم ولا لا؟

‏⚡ انا ليه اتعلمت رسم للموشن جرافيك؟🤔 ‏

كنت اول ما بدأت الموشن اتعلمت برنامج الافتر ايفيكت ‏و برنامج الالستريتور دا تقريباً مكنتش اعرف عنه الا اني بفتح اعمل به حاجة معينة ‏واروح على الفوتوشوب اكمل

المهم كنت بشوف فيديوهات ناس تانية او فيديوهات الناس المحترفين 👀 فيها حاجة غريبة كده بحسها متماسكة جدا الوانها متناسقة في حاجة غريبة لحد ما عرفت ان الحاجات دي مرسومة فعليا للمشروع نفسه يعني في شركة أو في هوية في الوان معينة في ستايل معين ماشيين عليه 💁

لكن انا كنت بجيب رسمة من هنا ورسمة من هنا وشخصية بشكل معين وشخصية بشكل مختلف كان الموضوع خلطبيطة ..

فلذلك قررت اني اتعلم وكنت طبعا اعرف ان تكلفة الحاجة اللي زي كده اللي هي مرسومة خصيصاً

غير اللي انت جايبها جاهزة💰 التكلفة مختلفة تماما طبعا فلذلك قررت اتعلم موضوع الرسم دا

⚡طيب نبدأ ازاي اتعلمت؟ يعتبر القناة الرئيسية اللي كنت بتعلم منها اللي هي قناة 

قناة جيجيناتك

https://www.youtube.com/@GiganticCommunity/videos قناة اغلبها رسم شخصيات بابسط الطرق عشان كده انا حبيت القناة دي وحبيت الاستايل دا😍 وحتى برسم بيه اغلب شغلي

… استايل بسيط جدا كنت يومياً بشغل القناة دي وبطبق معاها اكتر من شخصية

بعد ما انا بدأت اتعلم مع القناة بدأت اشوف مشاريع لنفسي ومنها بروجيكت كنت عامله للوظائف

عشر وظائف وفضلت أرسمهم ده مثلا ظابط دا مهندس دا لعيب كورة دا مش عارف دكتور وهكذا يعني وبعد ما اتعلمت شوية دروس على القناة بدأت زي ما قلتلكم كده ابدأ اشوف مشاريع لنفسي فكان في مشروع اللي هو

[سنن مهجورة]

* وبرضو عملت مشروع عن رمضان لشخصيات رمضان المشهورة وحتى اعتقد رسمنا حاجات منها في القناة زي بوجي وطمطم وفطوطة وبكار

وكان فيه مشروع تاني عن الشخصيات المشهورة زي تشارلي تشابلين ورسمناه على القناة في دروس الشخصيات وزي صلاح الدين وغاندي وهتلر واينشتاين ومارادونا

فالتسلسل كالتالي اتعلمت الرسم وانا اخترت ارسم الشخصيات الاول لانها اصعب لان انت لما بتبدأ ترسم الشخصيات بالتالي انك ترسم لاب توب او ترسم غرفة او ترسم اي شيء بيكون اسهل بكتير

بعد كدا عملت حاجة مع نفسي اسمها تحدي خمسين يوم بس مكملتش فيه نفذت عشرين يوم فقط جبت رسومات صعبة لفنان اجنبي شفته على دريبيل

https://dribbble.com/Fritsler جبت رسومات جدا صعبة وهو راسمها وبدأت اعيد رسمها بالظبط يعني محاولتش اجود فيها رسمها بالظبط

⚡ نيجي للنقطة التالتة الرسم او تعلمي للرسم فادني بإيه؟🤔

صراحة فادني بحاجات كتيرة جدا

• اولا فادني باني عليت بمستوايا في الموشن جرافيك يعني الفيديو اللي بطلعه فيديو مرسوم بشكل حلو بالوان منسقة وجودته اعلى وبعلي في السعر اكيد •

فادني في حاجة تانية الرسومات دي كنت برسم الرسومات وببيعها زي ما شرحت على قناتي

ازاي تبيع رسومات على موقع فري بيك وشتر ستوك؟

https://www.youtube.com/playlist?list=PLo2GNBOPnuCe0D9QDGTe4GE4YkpCGfBoC

• تالت حاجة استفدت اني برسم لمصممين موشن او ناس بيحركوا موشن جرافيك أنا برسم لناس بيتواصلوا معايا وبرسملهم مشاهد لموشن جرافيك فالاستفادة كبيرة الحمد لله😍

⚡نيجي بقى للنقطة الاخيرة

اللي هي لازم انا اتعلم رسم الموشن جرافيك؟

مش لازم تعلم الرسم للموشن جرافيك ممكن تخصص في التحريك فقط وتستعين برسومات جاهزة او برسام متخصص

ولكن يفضل لو عندك سعة من الوقت او عندك الامكانية انك تتعلم اتعلم افضل هيفيدك في حاجات كتيرة زي مثلاً جالك مشروع عايز تعدل عليه تعديل معين تقدر

تقدر انك لو مضغوط في حاجة زي كده مش لاقي رسام انك ممكن تجيب رسومات من فري بيك وتعدل عليها بالوان معينة وتنسق حاجتها وهكذا يعني فالموضوع برضو مش هيضرك ابدا

ولكن انت لو مش محتاج ترسم تقدر تستعين برسام انه يرسملك مشاهد زي ما قلنا انك بتعتمد على رسومات جاهزة

بس كده واتمنالكم كل التوفيق