هنتكلم عن ازاي ترفع وتبيع أول خدمة ليك على موقع خمسات ونصائح عشان تبيع أول خدمة ليك بشكل أسرع وبعض أفكار لخدمات التصميم على موقع خمسات وهنتكلم برضه عن ازاي تستلم أرباحك والمواعيد والكلام ده

موقع خمسات 👈 https://bit.ly/3ho8vXl

موقع خمسات موقع كويس إنك تقدم فيه الخدمات المصغرة بالخمسة دولار ومضاعفاتها

_ يعني ممكن واحد يقول أنا مثلاً أدخل أعمل فيديو موشن جرافيك بخمسة دولار؟
_ لأ تقدر تدخل مثلاً تعمل إنك هتقدم خدمة فيديو موشن جرافيك ٣ ثواني مثلاً مقابل خمسة دولار فاللي يحتاج دقيقة تضرب بقى ٣ ثواني في خمسة دولار وهكذا.

_ وفي برضو إنك تعمل تطويرات للخدمة زي مثلاً إنك تعمل إن أنت بتقدم خدمة التحريك العادي مثلاً للفيديو موشن بخمسة دولار ٣ ثواني
_ وتعمل إضافات بقى لو عايز تحريك احترافي أكتر فالثانية مثلاً بخمسة دولار
_ أو تطويرات أخرى تقدر تضيفها أنت لو العميل مستعجل تقدر تضيف التطوير ده مبلغ معين وهكذا

.
فده يخدنا للنقطة التانية اللي هي👇
💥 ( إزاي نرفع أول خدمة لينا على خمسات )

شوف الفيديو ده فيه طريقة رفع الخدمة ونصائح مهمة

https://www.youtube.com/watch?v=tqxgNnTbCsE

نيجي بقى لنقطة بعد كده اللي هي 👇
💥 ( شوية نصائح لبيع أول خدمة ليهم )

★ أول حاجة بعد ما يتم قبول الخدمة مباشرة ممكن تعملها مشاركات تاخدها بقى تشارك إن أنت بتقدم خدمة تحريك الشعارات مثلاً

_ فتاخد الخدمة دي وتروح على مواقع التواصل بقى اللي تبعك كله ويفضل إنك تروح على الأماكن اللي فيها استهداف لعملاء أو فيها تجمعات للمصممين الجروبات
المصممين عالفيسبوك مثلا تويتر الكلام ده يفضل إنك تشارك الشغل بتاعك ده بحيث يجيلك أول مشتري للخدمة بتاعتك

★ يفضل لو فيه حد عايز يشتري منك الخدمة دي يتواصل معاك بشكل شخصي وقوله تعالا نروح على الموقع يعني تعال اشتري الخدمة دي في الموقع

ليه ده هيفيدك بقى؟ 🤔
إنه يديك أول شراء فالخدمة بتاعتك بتعلى تبقى في الصفحة الرئيسية غير كده بيديك تقييم فبرضو بتفرق معاك بعد كده

★ تاني حاجة اللي هي شوف أي مشتري زي ما قلنا بأي شكل أول مشتري بيفرق معاك كتير جداً حتى هي حتة مفيهاش أمانة شوية بس ممكن تعملها
من أول ما نشرت الخدمة بتاعتي أول ما اتقبلت واتنشرت أدور عليها في الصفحة الرئيسية أدور أدور مش لاقيها الا في الصفحات اللي ورا لكن أول ما تم شراء أول خدمة لقيتها علطول ظاهرة في الصفحة الرئيسية بالنسبة للخدمة دي
_ فأنت حاول تعمل حاجة زي كده تشوف حد يشتري منك الخدمة تعرفه يعني حتى أنت اللي هتديله الفلوس قوله اشتري
_ أو أنت اعمل ايميل تاني واشتري بيه الخدمة وقيم نفسك هي حتة مش أمينة شوية طبعاً ولكن دي هتخلي الخدمة بتاعتك تظهر في الأول

وبحيث يشتري الناس التانيين بقى و ساعتها بقى لما يشتري ناس تانية إن شاء الله هيقيموك بقى إذا كنت كويس هيقيموك كويس كنت وحش هيقيموك وحش وكده احنا مخدعناش الناس ولا حاجة

★ تالت نصيحة تدعملك الخدمة اللي هي تواجد باستمرار على الموقع خليك دايما أونلاين على الموقع بأكتر شكل ممكن يعني حاول تصحى بدري وتنام متأخر في الكام يوم دول

• ودايما حتى حاول تتواجد على مواقع العمل الحر بالذات بشكل مستمر
عشان أغلب العملاء بيدخلوا على المواقع مستعجلين وعاوزين اللي هو ممكن يكلم تلاتة أربعة في نفس الوقت واللي بيلاقيه رد عليه أسرع وبيتفق معاه وبيكمل الديل معاه وخلاص

👈 فأنت حاول تتواجد بسرعة وخلي سرعة ردك أسرع
★ النصيحة اللي بعد كده في حاجة في الموقع اسمها مجتمع خمسات ده مفيد جداً إن أنت بتنشر فيه نماذج أعمال قمت بتنفيذها
يعني أنت عملت شغل مثلاً تقدر تخش تعمل زي بوست كده .. وتنشره هما بس في إدارة الموقع بتراجع الحاجات دي قبل ما تنشرها

• كذلك في قسم لطلبات غير موجودة بتلاقي ناس ناشرة خدمات مش موجودة الناس بتدور على الخدمة الفلانية ومحدش عاملها أنت ممكن تكون تقدر تتواصل معاه وتقوله أنفذهالك أو كده
حاول تتواجد فيه باستمرار هيفيدك جدا وهتظهر للناس أكتر 🧑‍💻

نيجي بقى للنقطة اللي بعد كده اللي هي👇
💥 ( أفكار لخدمات تصميم)

أفكار تقدر تنشرها على موقع خمسات أو تنشئ خدمات بيها

مثلاً إنك تعمل فيديو موشن جرافيك - تعمل فيديو سناب شات دي خدمة لوحدها ✨
مثلاً تحريك شعار تحريك - أيقونات - فيديوهات تهنئة مواليد عرسان الكلام ده
تصميمات سوشيال ميديا حاجات بقى الدعايا والإعلان : بنر رول اب تصميم كارت شخصي
خدمة تحويل شعارك من صورة لڤيكتور - عمل صورة فيكتور أرت -فلاك ديزاين -أو رسم شخصيات
تصميم إعلان - وضع شعارك داخل موك اب
خدمات كتيرة جداً تقدر تقدمها

💥 طب نيجي لنقطة (استلام الأرباح )
استلام الأرباح في موقع خمسات زيه زي موقع مستقل

اللي هو أنت بعد ما تتم الخدمة واحد اشترى منك الخدمة نفذتهاله وعملت طلب استلام وهو استلمها كده حطولك الفلوس في حسابك فأصبحت الفلوس دي معلقة
تقدر بعد مرور ١٤ يوم عليها تقدر إنك تستلم الأرباح دي بتتحول من المتعلقة ليمكن سحبها وساعتها تقدر إنك تحط البايبال بتاعك وتحط المبلغ اللي عاوزه
أو لو أنت سيبتها اصفار زي ما هي كده فبتتحولك على حسابك بتاع البايبال فلازم يكون عندك حساب بايبال عشان تقدر تستلم عليه


👈 الحاجة اللي بعد كده لازم تتعلم أي مهارة معينة أنت لو معندكش مهارة هتتعلم أي مهارة معينة تتعلم تصميم موشن جرافيك أي شيء
• بحيث تقدر تقدم على مواقع العمل الحر دي ومهارات كتيرة جداً تقدر تدخل على الموقع وتعرف ايه المطلوب في سوق العمل والكلام ده

👈 الحاجة اللي بعد كده لازم تتعلم أي مهارة بحيث تقدر تقدم خدمات على الموقع

تقدر تتعلم من خلال موقع سوني كورسيز اكثر من مهارة
https://www.sonicourses.com/