السلام عليكم ورحمه الله وبركاته
بما إن أنت مصمم جرافيك أو حتى مصمم موشن جرافيك فأكتر حاجة بتضايقنا اللي هي التعديلات أو تعديلات العميل فازاي نتخلص منها؟
وإزاي نقلل موضوع التعديلات ده بحيث نخلص الشغل بأقل قدر ممكن من التعديلات ؟🤔
ده اللي هنتعرف عليه النهاردة
ويلا بينا نبدأ 🔥
ندخل في موضوع النهاردة اللي هي إزاي نقلل من التعديلات أثناء شغلنا في الموشن جرافيك أو في الجرافيك عموما ولكن هنضرب أمثلة أثناء الحديث أو أثناء الكلام بالموشن جرافيك
لأنه مراحله أطول يعني يعتبر مراحله كبيرة جداً مقارنة بأي تصميمات تانية يعني المهم👇
💥 ( الخطوة الأولى)
_ أو الحاجة الأولى إنك تكون واضح في اتفاقك مع العميل يعني أنا بعمل ايه؟
لما يجيلي عميل ويقولي عايز فيديو موشن جرافيك ففي أكتر من حالة يعني في حالة إن هو جايب الاسكريبت أصلا وجايب الصوت جاهزين دي حالة ودي حالة مريحة جدا😊
✓ فأنت هتعمل مثلا رسم أو تشوف حد يعملك الرسم أو أنت تعمل التحريك وتجمع الرسومات مثلاً من فري بيك فالتسلسل هيكون كالتالي أنت شفت الاسكريبت هتتفق معاه على السعر
موضوع السعر والحاجات دي هتتكلم عنها في مقالات جاية بإذن الله  ✓ فأنت تتفق معاه على السعر وتقوله

قبل ما تتفق على السعر تقوله وريني حاجة عاجباك أو أنت عايز استايل معين في الشغل أو حاجة زي كده.
✓ هو مثلا يبعتلك فيديو تعرف هو عايز ايه تشوف أنت قدراتك تقدر تعمله حاجة زي كده ولا لأ بحيث تبقى الأمور واضحة
👈 السؤال ده مهم جداً

اللي هو إيه الحاجة اللي أنت عايز زيها أو إيه الحاجة اللي عجبتك في شغلي
يعني وريله لو أنت كنت عامل فيديوهات قبل كده وريهاله قوله ده شغلي وده الحاجة اللي هتاخد حاجة شبهها إن شاء الله يعني بس بشكل أفضل قوله ده أعمالي في الموشن جرافيك مثلا ولكن إن شاء الله هنطلعلك حاجة أفضل بس قريبة من دي
👈 بحيث ما يبقاش خياله يعني متوقع حاجة يعني بعيد عن اللي أنت عملتهوله بحيث لما أنت تبتدي تخلص الشغل يبقى هو شايف شغلك وشايف حاجة مشابهة يعني مشافش موضوع مختلف تماما يعني
★ فدي النقطة الأولى

إن أنت تكون متفق معاه في الموضوع ده وتوريه نماذج من شغلك أو تقوله وريني حاجات أنت عايز زيها دي أول خطوة.
💥 ( الخطوة التانية )
أنت فهمت هو عايز ايه بالظبط ومعاك الاسكريبت ومعاك الصوت تتفق بقى على ايه؟
_ على التكلفة والحاجات دي وتتفق على عدد التعديلات هتيجي تعمل ايه تكتب زي نموذج كده صورة تكون مثبتها معاك أو نموذج على الاليستريتور أو الوورد أيا كان يعني بشكل حلو وتصميم حلو
_ اكتب فيها حاجات كالتالي تكتب  التكلفة قوله مثلاً احنا اتفقنا إن تكلفة الدقيقة مثلاً فلنفترض ميت دولار أو ميتين دولار مثلاً يعني
_ ثم بعد كده تقوله خطوات الشغل تقوله هنمشي الخطوات كده إن أنا مثلاً هرسملك في الأول المشاهد بعد كده أعمل التحريك
✓ اتفق برضه على موعد التسليم قوله هسلمك بعد يوم كذا أو بعد خمس أيام من الشغل اتفق على عربون تقوله إن أنا تديني عربون مثلاً الخمسين في المية وبعد تسليم الشغل تديني الخمسين في المية التانيين

كل الحاجات دي
حتى تكتب ملاحظة التعديل دي أنا بقيت دايما بكتبها عندي اللي هي مثلا بكتب  تعديلات من قبل العميل إن وجدت العنوان كده وتحتيها بكتب (مثلا ) 👇
• تعديلين على الرسم تعديلين على التحريك أي تعديلات أخرى بمقابل فأنت برضه تشوف الموضوع ده
• أنت ما عندكش مشكلة في تعديلات كتيرة خلاص اكتب مثلاً خمس تعديلات وأي تعديلات أخرى بمقابل وهكذا
هو بيشوف الحاجة دي بيقول للراجل ده منظم

الراجل ده يعني فاهم وبيحب الموضوع لأن العميل دايما بيحب إن الطرف التاني هو المصمم يكون صريح معاه في الموضوع 💯
فدي أول حاجة إنك تبقى متفق مع العميل وواضح من البداية خالص.
✓ هتقوله هسلمك بعد يوم كذا وتلتزم بيه

هتقوله التكلفة كذا وتدفع عربون خمسين في المية
✓ هتقوله مثلا التعديلات كده تبقى واضح من البداية دي النقطة الأولى اللي هي مهمة جداً إنك تبقى واضح من البداية مع العميل.
ويا ريت يكون فيه حاجة مكتوبة تبقى كاتب الحاجات دي عشان يبقى  الدنيا واضحة من البداية خالص
💥 ( تاني حاجة )
ودي هتريحك جدا جدا جدا اللي هي تابع مع العميل في كل خطوات الشغل بما إن شغل الموشن جرافيك خطواته كتيرة مثلاً فلنفترض
• فيه سكريبت
• فيه تسجيل صوتي
• فيه رسم ستريبورد
• فيه رسم مشاهد فيه اللي هو التحريك عموما
• فيه مثلاً مؤثرات صوتية
_ في الاستخراج الناي مثلا يعني فحوالي على الأقل خمس مراحل مينفعش أنت تتفق مع العميل خلاص أنا أعملك الفيديو واديني عربون وتيجي مثلاً بعد أسبوع مثلاً تقوله خد الفيديو أهو طبعا العميل ممكن يتصدم 😱
فبالبداية خالص تبقى أنت متابع معاه يعني كالتالي فلنفترض أنا لو بيجيلي عميل مثلاً أحيانا بشتغل على مواقع العمل الحر والعميل مش موفر الاسكريبت ولا موفر الصوت مثلا يعني فأنا بعمل معاه إيه؟🤔
✓ طبعا أكون محاسبه على الحاجات دي كلها و أجيب حد يكتب اسكريبت أخد منه البيانات اللي هو عايزها أجيب حد يكتب اسكريبت مثلاً وبعرض الاسكريبت عليه وأقوله خلاص الاسكريبت تمام ؟
✓ عشان بعد ما نخش في التسجيل مش هينفع تعدل خلاص بيقولي اوكيه وبأكد عليه في الحتة دي قبل ما أروح لحد يسجل الصوت بعرض عليه عينات صوتية من الناس دي
تقوله دي عينات صوتية من الصوت اللي هيسجلك تمام؟ قالي تمام فأدي الراجل المعلق الصوتي يسجل وأبعتله التسجيل أقوله ده التسجيل بعد ما خلص عشان هنبدأ تحريك عليه ومش هينفع نعدل خلاص فأقوله اوكيه فأنت تتابع معاه كل خطوة والتانية
كذلك رسم المشاهد مثلاً أو رسم الاستوريبورد دي أهم خطوة على فكرة وهنتكلم عنها إن شاء الله بالتفصيل في مقالات جاية.
👈 ارسم الاستريبورد  بشكل كروكي

حتى أنت مش شرط تكون تعرف تجيب ورقة زي كده وتقسمها لعدد مشاهد مثلاً معينة ترسم كده مثلاً المشهد الأول واحد قاعد على المكتب المشهد التاني مش عارف ايه بشكل كده تكتبله تحت كل مثلاً رسمة أنت رسمتها بشكل يدوي بدائي جداً مش شرط تكون احترافي.
ده المشهد اللي فيه النص بيقول كده وده المشهد اللي فيه النص بيقول كده وهكذا تبعتهمله هيقول الراجل ده محترف الراجل ده منظم اكيد يعني
وكذلك الموضوع اللي هيريحك أنت أثناء شغلك لو سواء بتجمع مشاهد من فري بيك أو سواء أنت بترسمها أو حد بيرسمهالك الموضوع ده هيكون مريح جداً
فهو لو عنده تعديلات بيقولهالك من البداية قبل ما تبدأ ترسم توريله الاسكريبت لو أنت هتجيب حد يكتب سكريب سمعه الصوت بعد ما يجهز لو حد علقلك على الصوت
✓ وريله الاستيريبورد قبل ما تبدأ في تجميع أو رسم المشاهد بعد كده لو أنت هترسم مشاهد أو حتى هتجمع مشاهد وعندك باليتة ألوان معينة
ترسمله أول مشهد أو مشهدين بيسموه استايل فريم ترسمله أول مشهد أو مشهدين وتوريله باليتة الألوان اللي هتمشي عليها تقوله ده الاستايل اللي هنمشي عليه
بحيث لو أنت مثلاً عندك عشرين مشهد ما تتعبش في رسمهم كلهم يبقى هو شاف من البداية بحيث يقولك لأ احنا نغير الألوان مثلاً خلاص تبقى عارف من البداية وهنغير الاستايل ما تعبتش كتير قوي.
✓ هتمشي مع الخطوات كذلك خلاص قالك اوكيه تبدأ تكمل باقي الخطوات اللي هي بتكمل باقي الرسم وبعد ما تخلص الرسم تعرضه عليه تقوله خلاص الرسم كده تمام
عشان لما نبدأ تحريك هيكون صعب التعديل فبالتالي هيكون العميل ماشي معاه في الخطوات.
✓ كذلك لما تبدأ في التحريك يفضل لو أنت مثلاً الفيديو دقيقة تكون حركت مثلاً خمستاشر ثانية تلاتين ثانية تعرضهم عليه.
فبالشكل ده بعد ما تمشي كل الخطوات دي مستحيل للعميل هيقولك أي حاجة
يبقى زي ما قلنا النهاردة المجمل إنك تكون متفق مع العميل من البداية بشكل مكتوب أنا كنت زمان أسمع الموضوع ده كنت بسمع من الناس كده محترفين وكنت لسه بادئ في المجال 💁
إنك تكتب حتى في ما بينك وبين العميل إعادة تعديلات فكنت بستغرب لكن أنا في الأول مكنتش بعمل الموضوع ده كنت يعني بتنازل في موضوع التعديلات مقابل إني عشان اشتغله كده
ولكن جيت في الوقت الحالي بعد ما مستوايا اتقدم شوية مثلاً جيت بكتب موضوع التعديلات وحصلت معايا أكتر من مرة إن العميل بيطلب تعديلات زيادة

فبزود عليه السعر مفيهاش مشكلة لأنه مش هيفضل يعدل على طول بس كده
والسلام عليكم ورحمة الله